出自維基百科,自由嘅百科全書
司馬文(Paul Zimmerman,1958年11月8號—),係一位荷蘭裔香港人,2010年開始做南區區議會薄扶林區議員。佢曾經先後入過香港公民黨同民主思路,而家無入任何政治組織。佢係公共專業聯盟成員。
司馬文喺荷蘭鹿特丹伊拉斯謨大學攞經濟學碩士,1990年代移居香港,喺香港大學攞交通政策及規劃碩士。佢加入公民黨後,曾經參選過香港選舉委員會旅遊界同灣仔區議會司徒拔道選區,不過都輸,直到2010年南區區議會薄扶林區議員補選,贏咗對手匯賢智庫劉應東,之後三屆亦喺同一選區成功冧莊區議員一職,當中佢响2019年打贏蕭煒忠、姚潔凝嗰屆,佢同蕭煒忠嘅得票(2547:1840)超過2015年佢同楊哲安嘅得票總數(1952:1144)。
2016年,佢用獨立民主派身份參選立法會選舉香港島直選,不過都輸。
2021年9月,佢喺2021年香港區議員宣誓入面,獲港府確認宣誓有效,得以繼續擔任區議員一職。