出自維基百科，自由嘅百科全書
大學教育資助委員會（粵拼：daai6 hok6 gaau3 juk6 zi1 zo6 wai2 jyun4 wui6；英文：University Grants Committee；縮寫：UGC；簡稱教資會）係香港政府喺1965年10月成立設立嘅非法定諮詢組織，教資會嘅委員由香港行政長官委任，佢嘅支援部門係大學教育資助委員會秘書處。教資會並冇任何法定或者行政權力，而八間受資助大學都係受佢所屬條例規管嘅法定院校，各自按條例設立校董會同擁有自主權，喺制定課程同檢視學術水平、揀學生、做研究、請教職員同訂定聘用條件，以至內部資源調撥等方面，都享有好大嘅自由度[1]，但同時由於各受資助院校嘅營運經費主要嚟自政府撥款，所以有需要確保公帑資源用喺啱嘅地方，教資會作為政府同各資助大學之間嘅中介角色[2]，唔單止為各受資助大學嘅發展同學術事宜畀意見，亦會從制度層面監察大學嘅表現，確保各院校正確咁去用公帑資源同對社會負責。
教資會資助嘅大學[編輯]
以上大學被香港媒體合稱做「香港八大院校」或「八大資助院校」
