出自維基百科,自由嘅百科全書
用緊巴士德消毒法消毒嘅牛奶
巴士德消毒法[1](pasteurization),又譯巴斯德消毒法,係一種奶消毒方法,由法國巴士德(Louis Pasteur)發明,喺1862年,呢種消毒法可以消滅牛奶裏面嘅大部份有害同會令奶腐壞嘅微生物,又唔會影響牛奶等本身嘅奶味。
巴士德消毒法唔會殺死所有微生物,佢只係用攝氏75度將奶品煮15秒。唔係屋企式煲奶徹底消毒。
巴氏消毒嘅奶,嚮室溫下放一兩日一樣會變壞;若果放嚮 4℃ 嘅雪櫃,只能夠保存一個星期左右。
超高溫消毒法(英文縮寫UHT,全寫係Ultra-high-temperature processing)係巴士德消毒法以外嘅另一種奶品消毒法,同巴士德消毒法好似,用嘅溫度同時間唔同,UHT 用攝氏 120 度煮一到兩秒。呢種UHT消毒方法會破壞牛奶少少營養,但入嚮密封包裝盒之後,嚮室溫都放到好耐。