出自維基百科,自由嘅百科全書
「霸王
龍」
跳轉到呢度。
想搵外
號「霸王
龍」嘅中
國男藝人,請睇「
李權哲」。
暴龍(Tyrannosaurus rex,拉丁文意思係「蜥蜴入面嘅暴君」),又叫做霸王龍,係暴龍屬(Tyrannosaurus)唯一一個有效物種。佢係一種大型食肉恐龍,身長最長可達15米,身高約5米,體重平均有9公噸。暴龍嘅咬合力係已知動物入面最大嘅其中一個,咬合力將近6公噸、相當於一隻大象嘅重量。
目前暴龍係現代恐龍文化同美國恐龍化石群當中最具代表性、最知名嘅恐龍,原因係喺《侏羅紀公園系列》嘅電影同電子遊戲裏面擔任最主要嘅恐龍角色導致。喺咁多種兒童讀物、博物館展品入面,暴龍亦係提及「恐龍」呢個概念時,必定會出場介紹嘅經典恐龍形象。