出自維基百科，自由嘅百科全書
月季（粵拼：jyut6 gwai3），花一種，係灌木，或係藤木，又寫月瑰、月瑰花。生物而言，歸薔薇科薔薇屬，拉丁學名Rosa chinensis。原產地於中國華中地區，而家喺全球好多國家地區都可以搵到。
英文稱之為monthly rose，月月玫瑰之意。皆因月季又叫月月紅、月月花。
佢嘅枝葉都好光滑，冇毛，但有皮刺。花比較大，尤其係花瓣，一般都係闊而厚，而且開咗花之後連續10個月都唔會謝，花味都幾清香下；而開花都係以k＝5n（n∈Z+）嘅數量，而且雄蕊比較多，都生喺凹咗落去嘅花托嗰度；花色一般係紅、白、綠、黃、紫、灑金等色。而開花期係每年2~12月。
呢種植物嘅適應能力都好犀利下，重可以淨化環境。
呢種植物成日用嚟做公園、學校、名勝同醫院、機關嘅盆栽、甚至用嚟做佈置花壇、花帶、花徑、花籬、花牆同盆栽、插花材料。
月季嘅根、葉、花都可以做藥，有活血消腫、消炎解毒嘅功效。
月季喺園藝嚟講可以分成9類：
- 中國月季
- 微型月季
- 十姊妹月季
- 多花月季
- 特大多花月季
- 單花月季
- 單花大型月季
- 藤木月季
- 樹形月季
- 野生月季
其中十姊妹品種最多，一樖可以開超過50朵花，而且四季都有花。而單花大型月季嘅花最大，每朵花嘅直徑有20cm，而且顏色比較靚兼花瓣比較大。呢兩種花都有好濃嘅香味。
喺中國內地嘅天津、西安、大連、鄭州、威海、南昌、衡陽、常州、宜昌、焦作、商丘、平頂山等城市都攞咗佢做市花。
而家喺世界各個國家嘅銀仔、膊頭章、印章、徽章、旗幟、建築都可以搵到月季嘅圖案。
基督教嗰邊曾經攞咗佢嘅花做教花。
喺中國內地嘅古詩文化入面，宋朝詩人楊萬里寫嘅臘前月季就寫咗「只到花無十日紅，此花五日不春風。」嘅名句，話明月季嘅花期比較長。
玫瑰同月季經常俾人搞亂，因為植物嘅樣相類似。雖然係噉，兩者實情差別幾大。
月季同玫瑰之所以俾人成日搞亂，係因為佢哋兩個喺英文都喺嗌「rose」。大概係民國時期，好多文學翻譯都係講中國傳統品種嘅Rose嗌返月季，而西方嘅Rose翻譯成佢嘅所屬名——玫瑰。但喺園藝角度嚟講，現代月季同古老月季、傳統月季都係三個唔同品種，同玫瑰無關[1]。
- 中国少年儿童百科全书 自然·环境 第417——418页 浙江教育出版社 ISBN 7-5338-1946-2/G·1942
中國主要城市市花 |
|---|
| 華北地區 | |
|---|
| 東北地區 | |
|---|
| 華中地區 | |
|---|
| 西北地區 | |
|---|
| 華南地區 | |
|---|
| 西南地區 | |
|---|
