出自維基百科,自由嘅百科全書
泮涌(Pan Chung),早年名為湴涌,又名湴湧,係香港一地,亦係一村,喺大埔,近家下大埔綜合大樓。泮涌村於鄉事會七約中屬翕和約,大埔鄉事委員會。村喺南邊有新泮涌,又叫泮涌新村。泮涌好近港鐵東鐵綫火車軌,喺家下大埔墟站西面。
泮涌西面靠山,佢北面有涌經過。
條村喺英國入主新界之前就喺度。文氏族人,由碗窰搬到泮涌。
太和市喺佢北邊,九廣鐵路起時,喺佢北面經過轉彎向太和市。後尾太和市稍南,泮涌以北,加多咗過大埔墟站,即係今日香港鐵路博物館。而沿火車軌東行,可以到運頭角。
佢周圍未開發之時,東南北三面都係田。
泮涌嘅村北嘅地,因為有火車站,太和市亦漸漸發大,變成家下大埔市區。