出自維基百科，自由嘅百科全書
《破壞之王》係一套由笑片巨星周星馳主演嘅戲，由長期老拍檔李力持執導。呢部戲最大賣點係劇情，貫徹周星馳向來嘅風格──由小人物做起而走上位。戲裏面周星馳鍾意咗靚女鍾麗緹，為咗「癩哈膜想食天鵝肉」走去學武，最後向片中反派挑戰，打贏咗對手，順利贏得美人歸。
周星馳響戲入面係一個外賣仔，叫何金銀，鍾意咗黑熊（鄭祖）條女阿麗（鍾麗緹），但唔夠黑熊打。周星馳於是搵咗拳手鬼仔達（吳孟達）學武，點知鬼仔達只係呃何金銀錢，亂教一通，但何金銀竟然練得出武功，打贏咗黑熊。
無耐斷水流大師兄（林國斌）搶走咗阿麗，鬼仔達帶何金銀發出挑戰書。擂台上，鬼仔達運用心理戰控制賽情，就咁樣何金銀輕易贏出。點知斷水流大師兄終於使出真功夫，何金銀利用幸運輪向斷水流使出無敵風火輪……
