出自維基百科，自由嘅百科全書
稜皮龜（Leatherback turtle）係一種大型海龜。有 240 厘米紀錄。背甲黑色，有 7 條淺色高脊。頭黑色，有白點。有明顯嘅鷹咀。因無真正嘅甲殼只有好堅韌嘅硬皮，所以先俾人叫做稜皮龜，佢哋係最大最重嘅海龜。
廣泛分布喺遠洋性嘅海洋。分布地遠至北歐嘅斯堪的納維亞海域都有。
雜食。主要食水母（尤其係葡萄牙戰艦），亦都食魚毛、魷魚、甲殼動物、軟體動物同海藻等。
稜皮龜受《野生動物保護條例》保護，喺《中國瀕危動物紅皮書》度亦列入極危。
香港並唔係稜皮龜嘅主要繁殖地，但因為佢喺海洋中嘅遷徙路線極之廣泛，香港水域亦可能係遷徙路線上，所以偶然有機會發現到。根據資料，稜皮龜首次係喺1951年被發現，地點係長洲一個沙灘度，當時佢上岸之後好快就游番落海。之後1963、1964年喺南丫島附近有出沒嘅記錄。1977年有一隻死咗嘅棱皮龜被沖上西貢一處海灘度。西灣（1998年）、東龍洲（1994年）、蒲苔島（2000、2003年）亦發現過屍體。
