出自維基百科，自由嘅百科全書
第41屆意大利國會選舉響2018年3月4號舉行[1]。
2017年12月28號，總統馬塔雷拉簽署法令正式解散國會，馬塔拉同總理真蒂洛尼同埋參、眾兩院領袖開會之後決定將國會選舉定響2018年3月4號[1]。
真蒂洛尼係2013年大選之後嘅第三位總理，佢之前總結2017年施政成就，包括承認同性戀工會地位之類[1]。
呢次選舉會採用2017年10月通過嘅新選舉法，三成六嘅國會議席由政黨或聯盟推舉嘅候選人以多數制決定，其餘議席按比例代表制分配[1]。
民意調查話，大選可能出現中間偏右、中間偏左陣營同右翼政黨五星運動三分天下局面，預料唔會有單一政黨攞到國會多數議席[1]。
一如選前嘅預計，中右翼聯盟、五星運動同中左翼聯盟三分天下，但係執政民主黨為首嘅中左翼聯盟只係得122席。
至於中右翼聯盟贏最多席，有265席。不過估唔到嘅係，原先喺聯盟入面有領導地位嘅貝盧斯科尼，佢嘅意大利力量黨，席數比起北方聯盟重少。
而五星運動就有227席，係單一最大黨。
最後，屬於中右翼聯盟嘅北方聯盟單獨同五星運動合組政府。
Template:意大利選舉
• 
