出自維基百科，自由嘅百科全書
黃駿軒（Wong Chun Hin，1995年7月9號—2022年6月6號）係香港已故足球員，司職進攻中場，效力過香港超級聯賽球隊理文同埋香港甲組聯賽球會深水埗足球隊。
球會生涯[編輯]
黃駿軒香港出世，係東方自家培訓嘅青年軍。2013年，黃駿軒被外借至香港甲組足球聯賽球隊晨曦。2014年5月11號，喺青衣運動場舉行嘅港甲聯賽煞科，由晨曦迎戰南區，黃駿軒喺開賽6分鐘攞到職業生涯嘅首個入球，最終晨曦以2–3不敵南區[1]。2014年8月，黃駿軒被外借至香港超級聯賽球隊黃大仙。2015年10月17號，灝天黃大仙主場迎戰勁旅南華，因黃駿軒於78分鐘解圍失誤，令南華外援艾華頂入空門奠勝，最終灝天黃大仙以1–2不敵南華[2]。2016年4月11號，灝天黃大仙憑小將黃駿軒喺89分鐘混戰中把握機會為主隊頂入，為灝天黃大仙以3–3逼和標準流浪[3]。2016年8月，黃駿軒被外借至香港超級聯賽球隊理文流浪，於2017年6月5號以3–0擊敗R&F富力嘅聯賽取得咗加盟後嘅首個入球。[4]球季完結後，黃駿軒再被外借到新成立嘅港超聯球會理文，並即喺9月30號對和富大埔嘅聯賽，攞到加盟後嘅首個入球，最終協助理文以2–2賽和對手。
2020/21球季，黃駿軒改投港超聯球會流浪。佢於10月25號對傑志嘅菁英盃比賽初次上陣。2021年5月16號，港超聯第三循環護級組賽事晉峰對標準流浪，黃駿軒攻入其加盟後首個入球。
2022年6月6號，警方指傍晚6點52分接獲途人報案，發現一名男子倒卧屯門山景邨景美樓對開，警方表示警員接報到場後，證實該名男子身份係黃駿軒，已經死亡，終年26歲。[5]
國際賽生涯[編輯]
黃駿軒於2017年7月入選香港U22代表隊，參與喺朝鮮舉行嘅亞洲23歲以下錦標賽外圍賽，但最後香港以1勝2和不敗嘅成績，未能成為五隊最佳次名之一，無緣晉身決賽周。
- 香港代表隊
.svg){kind=small}
