出自維基百科，自由嘅百科全書
香港特別行政區二零一五年區議會一般選舉喺2015年11月22號舉行[1]。呢次選舉會重選香港十八區區議會全部四百三十一席。而贏出選區嘅議員任期得四年，由2016年1月1號去到2019年12月31號為止。
2007、2011年兩屆區議會選舉入面都係由親中派大獲全勝之後，泛民主派喺地區實力就今時唔同往日。但係呢個時候，經歷梁振英上台、反國民教育運動、同埋自由行引起嘅中港矛盾之後，造成咗香港社會入面有唔同程度嘅撕裂。再加上2014年8月31號全國人大常委會就香港政改做最終決定，令到香港政局出現變化。加上由呢屆選舉開始，唔會再設有委任議員，呢一次選舉被人覺得係反映香港民意嘅一次選舉。
因應2012年政改嗰時政府嘅承諾，所以喺2014年政府已經修改咗有關法例，2016年全面取消區議會嘅委任議席。另一邊因應人口變動，政府亦喺2016年開始喺十八區一共加咗19席去度四百三十一席。而灣仔區議會同東區區議會人口唔均勻，所以政府亦修改咗有關行政區劃界，將東區兩個區議會議席範圍畀咗灣仔。 選舉管理委員會之後依照法例嘅規定，喺二零一四年六月去到七月期間，就選區分界同起名做公眾諮詢，並喺二零一四年十一月向行政長官交出建議報告。喺建議報告入面，選管會改咗一百零九個選區分界[2]，並且畀二十四個選區預計人口偏離咗人口基數嘅可以幅度[3]。
疑似中共政府黑客入侵民主黨成員電郵[編輯]
有至少有20名民主黨成員嘅電郵喺區議會選舉前遭來自中國IP地址嘅黑客攻擊。美國網絡保安公司FireEye話，呢啲攻擊嘅手段主要係用嚟攻擊中共政府嘅監視對象，畀當局可提早知道泛民主派計畫示威等資訊[4]。
梁美芬多年後被指控選舉舞弊[編輯]
梁美芬曾經喺2015年區議會選舉入面搵咗李家仁唱《小明上廣州》嘅改詞版去支持佢同為同站台，呢啲搵藝人站台嘅做法本來好普遍，例如喺2007年香港特首選舉入面，黎明亦有上台同曾蔭權合唱《奮鬥》一曲。當時亦未有聲音批評梁美芬。但隨著喺2021年8月，黃耀明因為喺2018年3月為泛民主派區諾軒站台唱歌，兩人一同被控選舉舞弊，就有部分聲音話，梁美芬同李家仁咁做，同樣有選舉舞弊嘅嫌疑，如果廉政公署唔調查嘅話，需要向公眾交代[5][6]。
參選名單同結果[編輯]
• 2019 ›
