Ethiopiese Hoogland
Die Ethiopiese Hoogland is 'n bergreeks van vulkaniese oorsprong wat die grootste deel van Ethiopië beslaan, met enkele uitlopers in Eritrea en Somalië. Ras Dashan is met 4 543 meter bo seevlak die hoogste bergpiek van die Ethiopiese Hoogland, Ethiopië en die Horing van Afrika. Die Ethiopiese Hoogland is in die noorde van die Groot Skeurvallei geleë. Dit word deur die Rooisee in die noorde en die Golf van Aden in die noordooste begrens.
![](https://upload.wikimedia.org/wikipedia/commons/thumb/4/47/Ethiopian_highlands_01_mod.jpg/220px-Ethiopian_highlands_01_mod.jpg)
![](https://upload.wikimedia.org/wikipedia/commons/thumb/6/64/Semien_Mountains_13.jpg/220px-Semien_Mountains_13.jpg)
Die Ethiopiese Hoogland streek sowat 1 000 km in 'n noord-suidelike rigting en 500 km in 'n wes-oostelike rigting; vergelykbaar met die Alpe se uitbreiding. Dit word soms die "Dak van Afrika" genoem as gevolg van sy hoogte en groot oppervlakte.[1]
Naas Ethiopië se hoofstad Addis Abeba en Eritrea se hoofstad Asmara is verskeie ander geskiedkundige stede in die Ethiopiese Hoogland geleë. Van dié stede is Aksum, Bahir Dar, Gondar, Harar en Lalibela. In die Ethiopiese Hoogland ontspring belangrike riviere soos die Awashrivier, Blou Nyl, Joebarivier, Omorivier en Sjebellerivier. In die Ethiopiese Hoogland is ook die Tanameer geleë.
Verwysings
wysig- ↑ (en) Paul B. Henze, Layers of Time (New York: Palgrave, 2000), bl. 2.
Eksterne skakels
wysig- (en) "Ethiopian Plateau". Encyclopædia Britannica. Besoek op 26 April 2019.