Lyon
[ljɔ̃] (dütsch veraltet Leyden, latiin. Lugdunum) isch d Hauptstadt vo dr Regioon Auvergne-Rhône-Alpes im Südoste vo Frankriich.
| Lyon | |
 | |
| Verwàltung | |
|---|---|
| Land |  Frànkrich |
| Region |  Auvergne-Rhône-Alpes |
| Département | Rhône (69) - (Präfektur) |
| Arrondissement | Lyon (Unterpräfektur) |
| Kommünàlverbànd | Métropole de LYON |
| Àmtliga Nàma | Lyon |
| Maire | Gérard COLLOMB (2014-2020)[1] |
| Code Insee | 69123 |
| Poschtlaitzàhl | 69001, 69002, 69003, 69004, 69005, 69006, 69007, 69008, 69009 |
| Iiwohner | |
| Iiwohner | 522.250 |
| Flech | 47,87 km2 |
| Bevelkerungsdicht | 9.866,95 Iiw./km2 |
| Làg | |
| Koordinate | 45° 45′ 32″ N, 4° 50′ 29″ E / 45.758888888889°N,4.8413888888889°EKoordinate: 45° 45′ 32″ N, 4° 50′ 29″ E / 45.758888888889°N,4.8413888888889°E |
| Heche | 170 m |
  Lyon Lyon (Frànkrich) | |
| Website | |
| https://www.lyon.fr/ | |
D Stadt isch de Sitz vo dr Präfektur vo dr Métropole de Lyon und au vom Département Rhône, au wenn si sit aafangs 2015 nüme zu däm Departemänt ghört.
Algemeins
ändereLyon het fast e halbi Millioon Iiwooner und isch noch Bariis und Maarsei die drittgrössti Stadt im Land. Dr Balligsruum het öbbe 1,3 Millioone Iiwooner und isch dr zwäitgrössti in Frankriich noch dr Île-de-France, em Groossruum Bariis, wo öbbe 11,5 Millioone Iiwooner het.
Bi de Röömer isch dört der wichtig Oort Lugdunum gsi, wo e Zyt lang d Hauptstadt von ere römische Provinz gsi isch. Der römisch Kaiser Caracalla isch i der Stadt uf d Wält cho. Me gseht no d Ruine vom grosse römische Theater. Im spoote föifte Johrhundert isch Lugdunum d Stadt vom König vo de Burgunder worde.
D Altstadt vo Lyon isch 1998 vo dr UNESCO zum Wältkultuurerb erklärt worde.
Lyon isch dr Bischofssitz vom Erzbistum Lyon vo dr römisch-katholische Chile in Frankriich mit dr Kathedraale in dr Altstadt. No mee stoot d Basilika Notre-Dame de Fourvière uuse, wo hööcher isch as die ganzi Stadt. 1871 isch si uf em Spitz vom Hügel Notre-Dame de Fourvière baut worde.
Wirtschaft
ändereD Lyoner Gastronomii geniesst en usgezäichnete Ruef. D Vilfalt vo dr dradizionelle Chuchi het iire Ursprung in dr sältene Kombinazioon us dr Nööchi zu de Alpe und eme schiffbare Zuegang zum Middelmeer. Nördlig vo dr Stadt lit s Wiibaugebiet Beaujolais, südlig isch es das vom Côtes du Rhône.
Historisch isch d Stadt äng mit de canuts, de Siidewääber, verchnüpft, wo die driibendi Wirtschaftschraft wäärend dr Industrielle Revoluzioon gsi si.
Lyon isch au as Liechterstadt bekannt, und jeedes Joor wird am 8. Dezämber d „Fête des Lumières“ gfiirt.[2]
Lyon isch dr Sitz vo dr internazionale Polizeibehörde Interpol und vo dr Internazionale Agentuur für Chräbsforschig (International Agency for Research on Cancer, churz: IARC).
Lyon het e bedüütende hafe a der Rhone, wo Schiff vom Middelmeer häär chöme; vo do chame d Soone uuf und dure Rhy-Rhone-Kanal is Elsass und an Rhy fahre.
Litratur
ändere- C. Beaulieu: Histoire de Lyon depuis les Gaulois jusqu'à nos jours. Lyon 1837 (Digitalisat)
- Catherine Santschi: Lyon In: Historisches Lexikon vo dr Schwiiz.
Weblingg
ändere
Commons: Lyon – Sammlig vo MultimediadateieFuessnoote
ändere- ↑ Liste des maires au 25 avril 2014 (data.gouv.fr)
- ↑ fr:Fête des lumières (Lyon)