Georg I., Köönig vo Groossbritannie
Georg I. (Großbritannien) | |
---|---|
![]() | |
Chrönig | 20. Oktober 1714 |
Name | George Louis (dütsch: Georg Ludwig) |
Uf d Wält cho | 28. Maijul./7. Junigreg. 1660 |
Geburtsort | Hannover |
Gstorbe | 11. Junijul./22. Junigreg. 1727 |
Dodesort | Schloss Osnabrück, Osnabrück |
Begrabe | Leineschloss, Hannover; spööter Herrehuuse, Hannover |
Vorgänger | as Monarch vo Groossbritannie: Anne As Kurfürst vo Hannover: Ernest Augustus |
Nochfolger | as Monarch vo Groossbritannie: George II. As Kurfürst vo Hannover: George II. |
Verhürotet mit | Sophia Dorothea of Celle |
Dr Georg I. Ludwig (änglisch George Louis; * 28. Maijul./7. Junigreg. 1660 z Hannover; † 11. Junijul./22. Junigreg. 1727 z Osnabrück) isch äine vo de Herzöög vo Braunschweig und Lüneburg gsi und sit 1698 Kurfürst vo Braunschweig-Lüneburg („Kurhannover“) und Erzbannerdrääger (und spööter Erzschatzmäister) vom Häilige Römische Riich und vo 1714 aa au Köönig vo Groossbritannie und Irland und Titularköönig vo Frankriich[1].
Dr Georg Ludwig isch evangelisch-lutherisch erzooge worde, was wääsentlig gsi isch, won er uf en britisch Dron choo isch. 1714, noch em Dood vo dr Queen Anne, isch s im britische Köönigriich vor allem drum gange, ass mä e gäignete, bluetsverwandte Droonfolger wurd finde, so dass dr Aaspruch vo de römisch-katholische Stuarts nid wurd zelle.
Dr Georg Ludwig het as Köönig vo Groossbritannie e schweere Stand ghaa, wil er kuum Änglisch gschwätzt het oder het welle schwätze und Dütsch oder Franzöösisch voorzooge het. Eso isch s choo, ass sich wäärend sinere Regierigszit d Balanse vo dr Macht erheeblig vo dr Monarchii zum Parlamänt verschoobe het. Es het sich s britische Parteiesüsteem uusebildet und dr Robert Walpole isch faktisch zum erste Brömieeminister worde, wo mit eme Kabinett regiert het. Offiziell het dr Walpole dä Ditel allerdings erst 1730 under em Georg II., wo im Georg Ludwig si Noochfolger gsi isch, überchoo.
Litratuur
[ändere | Quälltäxt bearbeite]- John M. Beattie: The English Court in the Reign of George I. Cambridge 1967.
- Ragnhild Marie Hatton: Georg der Erste. Ein deutscher Kurfürst auf Englands Thron. Societäts Verlag, Frankfurt a. M. 1982 (1. Auflage), 1985 (2. Auflage), ISBN 3-7973-0398-X.
- Adolf Schaumann: Georg Ludwig (Kurfürst von Hannover). In: Allgemeine Deutsche Biographie (ADB). Band 8, Duncker & Humblot, Leipzig 1878, S. 638–642.
- Georg Schnath: Georg Ludwig. In: Neue Deutsche Biographie (NDB). Band 6, Duncker & Humblot, Berlin 1964, ISBN 3-428-00187-7, S. 210 f.
Weblingg
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Georg I. (Großbritannien) im dütschsprochige Wikisource
- Eintrag in der Classic Encyclopedia auf 1911encyclopedia.org (änglisch)
Fuessnoote
[ändere | Quälltäxt bearbeite]- ↑ D Köönig vo Groossbritannie häi dradizionell au dr Ditel vom ene Köönig vo Frankriich ghaa, so au dr Georg in sinere Köönigsproklamazioon vo 1714, Ragnhild Marie Hatton: Georg der Erste. Ein deutscher Kurfürst auf Englands Thron. S. 117.
Vorgänger | Amt | Nochfolger |
Ernst August | Kurfürst vo Braunschweig-Lüneburg 1698–1727 |
Georg II. |
Anne | Köönig vo Groossbritannie 1714–1727 | |
Köönig vo Irland 1714–1727 |