Nidersachse
Land Nidersachse | |||
---|---|---|---|
|
![]() | ||
| |||
Basisdate | |||
Schbrooch: | Dütsch; Saterfriesisch und Plattdütsch au amtlig zueglo | ||
Landeshauptstadt: | Hannover | ||
Flechi: | 47.624,22 km² | ||
Gründig: | November 1946 | ||
ISO 3166-2: | DE-NI | ||
Website: | www.niedersachsen.de | ||
Bevölkerig | |||
Iiwohnerzahl: | 7.973.800 (30. November 2007) | ||
Bevölkerigsdichti: | 168 Iiwohner pro km² | ||
Wirtschaft | |||
Arbetslosequote: | 6,1 % (Januar 2021)[1] | ||
Schulde: | 51 Mrd. € | ||
Politik | |||
Regierungschef: | Stephan Weil (SPD) | ||
Regierendi Parteie: | CDU und Grüeni | ||
Sitzverteilig im Landesparlament: | CDU 54 SPD 49 | ||
Letschti Wahl: | 20. Jänner 2013 | ||
Neggschti Wahl: | vorussichtlig 2018 | ||
Stimme im Bundesrat: | 6 | ||
![]() |
Dialäkt: Markgräflerisch (Lörrach) |
Nidersachse (amtl. uf Dütsch: Niedersachsen, uf plattdütsch: Nedersassen) isch e dytsches Bundesland. S hät e Flächi vo ca. 50.000 km² und ca. 8 Millione Ywohner. D Hauptstadt isch Hannover.
Geografy
[ändere | Quälltäxt bearbeite]Nidersachse erstreckt sich über e große Deil vo Nordwestdütschland. S Land gränzt im Norde an Schleswig-Holstei, Brandeburg und Meckleburg-Vorpommre, im Oste an Sachse-Ahalt, im Süde an Hesse und Thüringe und im Weste an Nordrhy-Westfale und Holland. Die nördlichi Grenze ligt züedem an de Nordsee. S Land wird in 38 Landchreis und 8 Chreisfreii Städt ydeilt.
Gschicht
[ändere | Quälltäxt bearbeite]Noch em Wiener Kongress isch s Gebiet, wo hütt Nidersachse isch, uf vier unabhängigi Länder verdeilt gsi: s Königrych Hannover, s Großherzogtum Oldeburg, s Herzogtum Brunschwyg und Fürschtetum Schaumburg-Lippe.
Noch em Dütsche Chrieg (1866), wo Hannover uf dr lätze Syte gstanden isch, hät Preuße Hannover bsetzt und e Provinz druss gmacht. D Revolutione vo 1918 hän Preuße und di andere drei Länder zu Republike gmacht. 1922 isch Pyrmont, wo vorane zu Waldeck ghört hät, zur Provinz Hannover cho. 15 Johr spöter, 1937, hät Hannover no mit Hamburg Territorium duuscht.
Noch em Zweite Wältchrieg isch Nidersachse gröschtedeils vo Großbridannie bsetzt worre. Die bridischi Militärregierig hät 1946 uss de gnännte Deil vom hüttige Nidersachse e Land Nidersachse gformt. Am 1. Mai 1951 isch d Verfassig i Chraft trätte.
E Plebiszit hät 1974 d Unabhängigkeit vo Oldeburg und Schaumburg-Lippe verlangt. 1976 sin si definitiv in Nidersachse yglidert worre.
Noch me Abkomme mit Meckleburg-Vorpommre isch Neuhaus 1993 zu Nidersachse zruckcho. Wils öschtlig vo dr Elbe ligt, isch es noch em Zweite Wältchrieg a d DDR gfalle.
Wappe
[ändere | Quälltäxt bearbeite]![](https://upload.wikimedia.org/wikipedia/commons/thumb/8/81/Flag_of_Lower_Saxony.svg/100px-Flag_of_Lower_Saxony.svg.png)
![](https://upload.wikimedia.org/wikipedia/commons/thumb/0/0b/Coat_of_arms_of_Lower_Saxony.svg/100px-Coat_of_arms_of_Lower_Saxony.svg.png)
Uff em Wappe vo Nidersachse isch e Ross abbildet, wo am Springe isch.
D Bevölcherig vo Nidersachse hät langi Zit denkt, s Ross sei s Wappe vom germanische Stammesherzogtum Sachse, e Theory, wo widerlegt worre isch. Es sind erscht welfischi Herzög gsi, wo s 1361 als Wappe ygfiehrt hän, und au das es dr Herzog Widukind bruucht hät, wäiss me. S isch sit em 17. Johrhundert s Wappe vo Hannover, glychzytig aber au vo Brunschwyg gsi. 1951 isch es offiziell als Landeswappe vo Nidersachse feschtglegt worre.[2]
Wirtschaft und Umwelt
[ändere | Quälltäxt bearbeite]Landwirtschaft isch scho lang e wichtige Faktor für die nidersächsischi Wirtschaft. Im Norde und Nordweste isch de Bode sandig, drum wird dört s Grasland verwändet. Im Süde wird wäge de Lössschicht im Bode d Zuckerriebe vyl züchtet und gerntet.
Myne sin johrhunderteland e Ynahmquelle gsi. Yseerz isch friehner für s Harz, Yse für Salzgitter wichtig gsi, allerdings sin d Erträg vo de Myne hütt nümmi so hoch. D EU profitiert trotzdem vom Rohöl uss Nidersachse.
Au d Fabrike hän e große Adeil an de Wirtschaft. De gröscht Hersteller isch Volkswage mit sine fümf Produktionsstelle. Anderi Manufrakturbetrieb sin in de Branche Flugzüg- und Schiffbau, Biotechnology und Stahlveredelig dätig.
De Dienschtleistigssektor isch in de 70er und 80er zum wichtigste Wirtschaftssektor worre. Hüttzdag sin d Tourismusindustry (z. B. TUI z Hannover), Handel und Telekommunikation wichtigi Branche.
Quelle
[ändere | Quälltäxt bearbeite]- ↑ Arbeitslosenquoten – Länder und Kreise. In: statistik.arbeitsagentur.de. Statistik der Bundesagentur für Arbeit, Januar 2021, abgruefen am 9. Februar 2021.
- ↑ Archivierte Kopie. Archiviert vom Original am 9. Februar 2007; abgruefen am 15. August 2008.
Weblink
[ändere | Quälltäxt bearbeite]D Wikipedia uff Plattdytsch
Commons: Nidersachse – Sammlig vo Multimediadateie
- Internetufftritt vo Nidersachse