Αあるふぁlfa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'alfa ye a primera letra de l'alfabeto griego. S'escribe Αあるふぁ en mayuscla y αあるふぁ en minuscla. A suya valura numerica en griego yera d' 1. Acostumbra a trascribir-se como a.

L'orichen d'a letra y d'o nombre ye fenicio. En l'alfabeto fenicio, como en altros alfabetos semitas, o nombre d'a letra ye aleph. A letra tien o suyo orichen en a representación d'a capeza d'un buei, rotata 45º ta la dreita en l'alfabeto fenicio y 90º en o griego.

De l'alfa griega procede l'A d'altros alfabetos d'orichen europeu como lo latino u o cirilico.

Usos de l'alfa mayuscla, Αあるふぁ:

• En o cristianismo, simboliza lo inicio. Acompanyata d'una omega, a zaguer letra de l'alfabeto griego, simboliza o prencipio y a fin, indicando la eternidat de Dios.

Usos de l'alfa minuscla, αあるふぁ:

• En fisica, ye o simbolo de l'aceleración angular, tamién emplegato ta la particla alfa y a radioactividat alfa.
• En quimica, ye o simbolo d'o grau de disociación.

Como adchectivo, a ormino indica la primera u principal d'una serie de cosas: un masclo alfa, a estrela alfa d'una constelación, una versión alfa...

En literatura, Alfa ye a casta superior y mas intelichent en a satira distopica d'Aldous Huxley, Brave New World (Polito mundo nuevo).

En o clamato alfabeto fonetico d'a OTAN, alfa ye o nombre asociato a la letra A.

• Datos: Q9887
• Multimedia: Alpha (letter) / Q9887