Asterix
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Pa o personache d'a serie se veiga Asterix (personache).
Asterix | |
---|---|
![]() | |
Información cheneral
| |
Autor | René Goscinny (1959-1977) Albert Uderzo (1977-2013) Jean-Yves Ferri |
Chenero literario | Cómic |
Subchenero | Aventuras |
Versión orichinal en francés
| |
Títol orichinal | Astérix |
Editorial | Dargaud Albert René Hachette (Groupe Lagardère) |
País | ![]() |
Calendata de publicación |
29 d'octubre de 1959 |
Traducción en aragonés | |
Títol | Asterix |
Traductor | Pascual Miguel Ballestín |
Editorial | Salvat / Bruño editorial |
Ilustrador | Albert Uderzo (1959-2013) Didier Conrad (2013-) |
Asterix (en francés Astérix) ye una serie d'historietas en cómic francesa creyada por o guionista René Goscinny (1926-1977) y o dibuixant Albert Uderzo (1927-2020), que apareixió por primera vegada o 29 d'octubre de 1959 en a revista Pilote antis de publicar-se como álbum. A serie se concibió en o suburbio de Bobigny (Sena-Sant Denís), Francia.
S'ha traduciu ta 111 idiomas y dialectos (incluyendo-ie latín y griego antigo), lo que la converte en a historieta francesa mas popular d'o mundo. Se'n ha vendiu 380 millons d'eixemplars y ye a mas popular de l'ambito francófono, chunto a la belga As aventuras de Tintín.
![](https://upload.wikimedia.org/wikipedia/commons/thumb/1/15/Asterix%26Obelix_Brussels.jpg/200px-Asterix%26Obelix_Brussels.jpg)
Argumento
[editar | modificar o codigo]Asterix vive arredol de l'anyo 50 aC en una aldeya ficticia a o norueste d'a Galia, la unica parti d'o país que no ha estau conquistada encara por Chulio César, tamién personache d'a serie. L'aldeya ye rodiada por cuatre campamentos romanos: Laminarum, Aquarium, Laudanum y Pardalorum. A o respecto, cal citar a caracteristica introducción de todas as historietas:
A resistencia d'istos aldeyanos se debe a la fuerza sobrehumana que adquieren dimpués de beber una poción machica preparada por o suyo druida Panoramix. Muitos libros d'Asterix tienen como trama prencipal o intento de l'exercito romano d'acupar l'aldeya y privar que o druida prepare o breballo u de conseguir-ne una mica pa o suyo propio beneficio. Istos intentos son frustraus siempre por Asterix y Obelix gracias a la propia poción machica.
Asterix en aragonés
[editar | modificar o codigo]Dica agora nomás s'ha quitau en aragonés un álbum d'Asterix, Asterix o Galo, publicau en 2022[1].
A traducción fue feita por Pascual Miguel Ballestín[2] y fue refirmada por a Dirección Cheneral de Politica Lingüistica d'o Gubierno d'Aragón[3]
Referencias
[editar | modificar o codigo]- ↑ (es) Tintín en aragonés. www.lenguasdearagon.org
- ↑ (es) Las aventuras de Astérix, ahora en aragonés. Aragón Cultura. CARTV. 3 d'aviento de 2022
- ↑ (es) Las aventuras de Astérix, agora en aragonés. AraInfo. 19 d'aviento de 2022