ასტერიქსი
ასტერიქსი Astérix | |
---|---|
![]() ლოგო | |
ავტორი | რენე გოსინი და ალბერ უდერზო |
ენა | ფრანგული |
გამომცემელი | Dargaud (საფრანგეთი) |
პირველი გამოცემა | 29 ოქტომბერი 1959 |
წიგნების რაოდენობა | 35 |
საიტი | ოფიციალური საიტი |
ასტერიქსის თავგადასავალი (ფრანგ. Astérix ან Astérix le Gaulois) — ფრანგული კომიქსების სერია, რომელიც შექმნეს რენე გოსინიმ (სცენარი) და ალბერ უდერზომ (ნახატები). სერია პირველად გამოვიდა ფრანგულ ენაზე, ჟურნალში „პილოტი“, 1959 წლის 29 ოქტომბერს. 2008 წლამდე გამოიცა ამ ისტორიების 33 ცალკეული ჟურნალი-კომიქსი.
კომიქსში მოთხრობილია გალიაზე, რომელიც ოკუპირებულია რომის იმპერიის მიერ. დარჩენილია გალების ერთად-ერთი სოფელი, რომელიც ამ ოკუპაციას სრულ წინააღმდეგობას უწევს. დიდ როლს ამ წინააღმდეგობაში ასრულებს დრუიდ გეტაფიქსის მიერ დამზადებული ჯადოსნური სასმელი, რომელსაც გალები დრო და დრო სვამენ - ამით მათი ძალა ათმაგდება და მათ ნებისმიერი სიმძიმის აწევა ან მძლავრი მტრის დამარცხება შეუძლიათ.
ისტორიების მთავარი გმირები არიან ასტერიქსი და მისი მეგობარი, მსუქანი და მხიარული ობელიქსი. სხვადასხვა წიგნში ისინი მოგზაურობენ ამა თუ იმ ქვეყანაში. კომიქსები გაჯერებულია სპეციფიკური იუმორით, რომელიც, მოყვარულთა თქმით, ბევრად განასხვავებს მათ ეკრანიზაციებისგან - ანიმაციური და მხატვრული ფილმებისგან.
ასტერიქსის ისტორიები იქცა ფრანგულ-ბელგიურ ერთ-ერთ ყველაზე ცნობილ ნაბეჭდ პროდუქციად. კომიქსები ნათარგმნია ასზე მეტ ენაზე და უშუალოდ პოპულარულია ევროპაში, თუმცა ასევე ცნობილია აშშ-სა და იაპონიაში.
კომიქსების წარმატების ტალღაზე თავდაპირველად გამოვიდა რვა ანიმაციური ფილმიც, ხოლო 2000-იან წლებში - მხატვრული ფილმების ტრილოგია. საფრანგეთში, პარიზთან ასევე ფუნქციონირებს ასტერიქსის პარკი.
ისტორია
[რედაქტირება | წყაროს რედაქტირება]![](https://upload.wikimedia.org/wikipedia/ka/thumb/b/b2/AsterixObelix.jpg/220px-AsterixObelix.jpg)
ასტერიქსის სერიების შექმნამდე გოსინი და უდერზო უკვე ცნობილები იყვნენ კომიქსების „უმპა-პა“ სერიით, რომელიც გამოიცემოდა „ტენტენი“-ს ჟურნალში.
„ასტერიქსი“ პირველად გამოჩნდა ჟურნალში „პილოტი“ (1959 წელი). 1961 წელს გამოვიდა ცალკეული ჟურნალი, პირველი ვრცელი კომიქსი ასტერიქსის თავგადასავალზე, სათაურით „გალი ასტერიქსი“, იმ დროიდან, წელიწადში ერთი დიდი კომიქსი გამოდიოდა.[1]
გოსინის გარდაცვალების შემდეგ უდერზომ კვლავ განაგრძო სერიებზე მუშაობა. მას არ სურდა, რომ ვინმეს ეს საქმე მისი გარდაცვალების შემდეგ გაეგრძელებინა, მაგრამ მისი მიდგომა ამ საკითხისადმი შეიცვალა. ფრანგულ გაზეთში „Le Monde“ მისმა ქალიშვილმა, სილვიამ გამოხატა მწუხარება, რომ თავის დროზე უდერზომ უფლებები კომიქსების გამოცემაზე და ოჯახურ გამომცემლობაზე მიჰყიდა სხვა პირებს. მისივე თქმით, „ფრანგული კომიქსების გმირმა გალები გაცვალა თანამედროვე რომაელებზე - ინდუსტრიასა და ფინანსებზე“.
გამოცემების სია
[რედაქტირება | წყაროს რედაქტირება]ქვემოთ წარმოდგენილია კომიქსების მთავარი, 36 გამოცემა.
ნომრები 1-24 და 32 შეიქმნა გოსინისა და უდერზოს მიერ. ნომრები 25-31 და 33 შექმნილია მხოლოდ უდერზოს მიერ. წიგნები 35-37 შეიქმნა ჟან-ივ ფერის და დიდიე კონრადის მიერ. აგრეთვე მითითებულია პირველი გამოცემის წლები.
- გალი ასტერიქსი (1961)[1]
- ასტერიქსი და ოქროს ნამგალი (1962)[1]
- ასტერიქსი და გუთები (1963)[1]
- გლადიატორი ასტერიქსი (1964)[1]
- ასტერიქსის ტური გალიის გარშემო (1965)[1]
- ასტერიქსი და კლეოპატრა (1965)[1]
- ბელადთა ბრძოლა (1966)[1]
- ასტერიქსი ბრეტონში (1966)[1]
- ასტერიქსი და ნორმანები (1966)[1]
- ლეგიონერი ასტერიქსი (1967)[1]
- მეთაურის ფარი (1968)[1]
- ასტერიქსი ოლიმპიურ თამაშებზე (1968)[1]
- ასტერიქსი და კარდალა (1969)[1]
- ასტერიქსი ესპანეთში (1969)[1]
- უთანხმოება (1970)[1]
- ასტერიქსი ჰელვეციაში (1970)[1]
- ღმერთების მიწა (1971)[1]
- კეისრის დაფნის გვირგვინი (1972)[1]
- წინასწარმეტყველი (1972)[1]
- ასტერიქსი კორსიკაზე (1973)[1]
- კეისრის საჩუქარი (1974)[1]
- დიდი გადაკვეთა (1975)[1]
- ობელიქსი და კომპანია (1976)[1]
- ასტერიქსი ბელგიაში (1979)[1]
- დიდი დაყოფა (1980)[1]
- ასტერიქსის ოდისეა (1981)[1]
- ასტერიქსის ვაჟი (1983)[1]
- ასტერიქსი და მფრინავი ხალიჩა (1987)[1]
- ხმალი და ვარდი (1991)[1]
- ასტერიქსის გალერა (1996)
- ასტერიქსი და ლატრავიატა (2001)
- ასტერიქსი ბრუნდება სკოლაში (2003)
- ცა ეცემა მათ თავზე (2005)
- ასტერიქსის და ობელიქსის იუბილე: ოქროს წიგნი (2009)[2]
- ასტერიქსი და პიქტები (2013)
- კეისრის პაპირუსი (2015)
- ასტერიქსი და ტრანსიტალიკა (2017)
- ვერცინგეტორიქსის ქალიშვილი (2019)
- ასტერიქსი და გრფიონი (2021)
- თეთრი ზამბახი (2023)
აგრეთვე გამოიცა „ასტერიქსის 12 გმირობა“ - როგორც კომიქსის, ასევე ანიმაციურ ფილმის სახით. კომიქსი გამოვიდა 1976 წელს და ტექნიკურად, ითვლება ასტერიქსის 26-ე ტომად, მაგრამ მას იშვიათად ბეჭდავდნენ.
რესურსები ინტერნეტში
[რედაქტირება | წყაროს რედაქტირება]შეგიძლიათ იხილოთ მედიაფაილები თემაზე „ასტერიქსი“ ვიკისაწყობში.
- ოფიციალური საიტი
- Wikia ასტერიქსის შესახებ
- ასტერიქსი სხვადასხვა ენაზე
- asterix.co.nz– საინფორმაციო საიტი ინგლისურენოვანი მკითხველისათვის
- ყოველი კომიქსის დეტალური ანალიზი დაარქივებული 2005-11-19 საიტზე Wayback Machine. Each Asterix book is examined in detail
- კულტურული ალუზიები ასტერიქსში (ფრანგულ ენაზე)
- ასტერიქსის ანოტაციები დაარქივებული 2005-01-16 საიტზე Wayback Machine. – კომიქსში წარმოდგენილი რეალური მოვლენების დეტალური ახსნა
სქოლიო
[რედაქტირება | წყაროს რედაქტირება]- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 1.20 1.21 1.22 1.23 1.24 1.25 1.26 1.27 1.28 1.29 კესლერი, პეტერ (1997). ასტერიქსის სრული მეგზური (ასტერიქსის და ობელიქსის თავგადასავლები). Distribooks Inc. ISBN 0-340-65346-9.
- ↑ October 2009 Is Asterix’S 50th Birthday. Teenlibrarian.co.uk (9 October 2009). ციტირების თარიღი: 31 December 2010.