(Translated by https://www.hiragana.jp/)
Avena (chenero) - Biquipedia, a enciclopedia libre Ir al contenido

Avena (chenero)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Avena
Avena
Avena
Dominio: Eukaryota
Reino: Plantae
División: Magnoliophyta
Clase: Liliopsida
Orden: Poales
Familia: Poaceae
Subfamilia: Pooideae
Chenero: Avena
Especies
  • Avena abyssinica
  • Avena barbata
  • Avena brevis
  • Avena fatua
  • Avena maroccana
  • Avena nuda
  • Avena occidentalis
  • Avena pubescens
  • Avena pratensis
  • Avena sativa
  • Avena sterilis
  • Avena strigosa

A Cebata (tamién -ada, Sebau en cheso) ye lo nombre popular d'as especies de plantas graminias drento de lo chenero Avena, caultivatas como alimento ta las personas y os animals domesticos. As especies mas caultivatas son Avena sativa y Avena byzantina.

No precisa de tanta calor y insolación como lo trigo u l'hordio, y per ixo se caultiva en paises de climas fredos. Amás, se desarrolla sin d'infeccions funchicas anque lo clima bi seiga humido. Ixas cosas fan que os puestos a on mas a ormino se cría seigan os países d'Europa septentrional y atlantica. En Iberia sole amaneixer en as marguins de camins y esporadicament en os campos caultivatos d'altras plantas.

O chenero ye orichinario d'Asia, y fue introduciu en Europa a traviés d'os Balcans. Anque en o Mediterranio no se i caultivó tanto como en o continent oriental, en Asia y especialment en o suyo sud-este se produciban historicament toneladas d'este producto. En Europa central y septentrional s'han trobato restas que permiten concluyir que ya se i caultivaba en a Edat de Bronce.

O grano d'a cebata ye mas rico en minerals que no altros cerials, incluindo-be una important diversidat de metals prencipals en a dieta humana: sodio, potasio, calcio, fosfro, magnesio, fierro, ecetra. Contiene tamién una important diversidat de vitaminas.

As plantas d'este chenero tienen venas reticulars numerosas (mas que no en altros cerials) y lo tallo dreito y alto (dica 1'50 m) en especies arquetipicas como Avena sativa. Especies mas chicotas en Aragón se i dicen belluecas. Son eixemplos d'este tipo de cebatas l'Avena sterilis u Avena strigosa, que no gosan creixer mas de bels 2 u 3 palmos d'altas.

A distribución d'as semients en a planta adulta i ye caracteristica: A fructificación se produce frormando una panicula (ixo ye, un racemos disperso) y cada semient se troba alpartata individualment d'entre dos bractias (ditas glumelas). l'Aspecto fisico que en resulta ye bien reconeixible y caractersitico d'as especies d'Avena.

Os grans d'Avena sativa, con as suyas glumelas carateristicas

.

Vinclos externos

[editar | modificar o codigo]