Caixa
Apariencia
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/8/8c/Umzugskarton.jpg/250px-Umzugskarton.jpg)
Una caixa (d'o latín capsa) ye un contenedor de diferents materials (fusta, cartón, vidre, fierro,...) d'un formato gran, destinau a guardar-ie obchectos o embalar-los. Se gosa cubrir con una tapa, que puet u no estar unida a la parti prencipal y, por un regular, ye de forma rectangular o cuadrada.
Cuan ye una caixa chicota (com la d'uns lamins u bien d'un regalo) le'n diz capsa.
Materials
[editar | modificar o codigo]O material de fabricación d'a caixa puet determinar a forma d'a suya utilización asinas como os articlos a contener:
- una caixa de fusta gosa reservar-se pa productos con connotacions de calidat como puros u botellas de vin d'alta gama. Tamién s'utiliza pa productos hortofruticolas u como protección de mercaderías frachils y pesadas: motors, chicoz vehíclos, maquinaria, etc.
- a caixa de plastico troba lo suyo prencipal consumidor en o mercau agricola.
- as caixas con film son unas caixas de plastico que son feitas d'un material altament resistent en resina K, poliesterol u polopropileno entre atros, con un film elastico d'alta calidat. A elasticidat d'iste film, le permite adoptar distintas formas, por lo que cada disenyo puet estar reutilizable con o mesmo u con diferents productos.
- a caixa de plastico serie “odette” ye una caixa normalizada y d'uso cheneralizau en a industria de l'automobil.
- a caixa de cartón undulau ye l'embalache mas habitual pa o transporte de mercaderías.
- o cartón s'utiliza como envase primario en forma d'estuch u caixa de chicotas dimensions pa diferents sectors: perfumería, alimentación, tabaco, chuguetz, deterchents, etc.
- a caixa metalica prochecta caracteristicas de calidat y protección a los obchectos que contiene destinando-se a mercaus elitistas y exclusivos: delicatesen, dietetica, choyería, etc.
- en a industria pesada s'utilizan cheneralment caixas metalicas de gran volumen.