Gasoducto
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/6/64/Pipeline_device.jpg/250px-Pipeline_device.jpg)
Un gasoducto ye una conducción que sirve ta trasportar gases combustibles a gran escala. Ye muit important a suya función en l'actividat economica actual.
Construcción
[editar | modificar o codigo]![](https://upload.wikimedia.org/wikipedia/commons/thumb/0/04/Co-pipeline-duisburg1.jpg/200px-Co-pipeline-duisburg1.jpg)
Consiste en una conducción de canyerías d'acero, por as cuals circula o gas a altas presions, dende o puesto d'orichen. A on ye posible, se construyen sobre a superficie. Manimenos, en arias que son mas desembolicatas, urbanas u con flora sensible, s'enterrecan a una fundaria tipica d'1 metro. Si a distancia ye luenga, bi ha estacions de bombeyo intermeyas. O inicio d'o gasoducto puet estar un chacimiento u un puerto de mar a on que arriban barcos (ta o gas natural, se dicen metaners) que trasportan o gas licuato (a muit alta presión). Ta trescruzar un río en o trazato d'un gasoducto se fan servir prencipalment dos tecnicas, a perforación horizontal y a perforación dirichita, con ellas se consigue que tanto a flora como a fauna d'o río e d'a ribera no se veigan afectatas. A construcción de gasoductos en a mar se fa dende barcos especialment disenyatos, que depositan en o leito marín a canyería a partir d'una bobina.
Ta levar o gas dica las casas y comercios, cal disposar de chicotas salitas d'alimentación dica os rez de canyerías aintro d'istas edificacions.
Circulación d'o gas
[editar | modificar o codigo]A presión a la que circula o gas por o gasoducto ye normalment de 72 bar en os rez basicos de transporte y 16 bar en os rez de distribución. O cambio de presions se fa de forma analoga a los rez electricos (alta tensión/baixa tensión), en iste caso s'emplegan estacions de regulación y mesura, por meyo d'uns reguladors de presión de membrana se regula la presión de salita que s'amenista.
Gasoductos en Aragón
[editar | modificar o codigo]Os gasoductos que suministran gas a la Peninsula Iberica dentran dende Francia por o País Basco y o Pireneu navarro, baixando por a val d'Ebro dica Calagorra, Zaragoza, Barcelona y Valencia. O prencipal eixe en Aragón ye a val d'Ebro, d'a on que salen brancas, entre as que destacan o gasoducto Zaragoza-Sarrablo (138.6 km, que fa servir os antigos chacimientos de Sarrablo como almadazen) y o gasoducto que va enta la central termica d'Andorra, Alcorisa y Alcanyiz. A Plana de Uesca tien atra branca d'o gasoducto Zaragoza-Sarrablo, que salen dende Uesca y plega dica Monzón y Tamarit, pasando por Balbastro.