Quimica fisica
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/3/30/Lomonosov_Chymiae_Physicae_1752.jpg/250px-Lomonosov_Chymiae_Physicae_1752.jpg)
A quimica fisica u a fisicoquimica ye una branca d'a quimica que estudia os conceptos d'a quimica dende un punto d'anvista fisico.
D'alcuerdo con o quimico norteamericán de renombre Gilbert Lewis, "A Quimica fisica ye cualsiquier cosa intresant", probablement referindo-se a o feito de que muitos fenomenos d'a naturaleza relacionatos con a materia son de prencipal intrés en a quimica fisica.
A fisica quimica representa una branca a on bi ha una combinación de cuantas ciencias, como a quimica, a fisica, a termodinamica, a electroquimica y a mecanica cuantica a on as funcions matematicas pueden representar interpretacions a ran molecular y a ran atomico. Cambeos en a temperatura, presión, volumen, calor y treballo en os sistemas, solido, liquido y/u gaseoso se troban tamién relacionatos con istas interpretacions d'interaccions moleculars.
O quimico norteamericán d'o sieglo XIX Willard Gibbs ye tamién considerato o pai fundador d'a quimica fisica, ya que en a suya publicación de 1876 dita On the Equilibrium of Heterogeneous Substances (Estudio sobre o equilibrio de substancias heterochenias) parla sobre termins com enerchía libre, potencial quimico, u a regla d'as fases, que anyos dimpués serían obchecto d'intrés en o estudio d'ista disciplina.
A quimica fisica moderna tién as suyas bases en a fisica pura. Arias d'estudio muit importants en ista encluyen a la termoquimica (termodinamica quimica), cinetica quimica, quimica cuantica, mecanica estatistica, electroquimica, quimica d'o estato liquido, quimica coloidal, quimica de superficies y espectroscopia. A quimica fisica fa parti fundamental en o estudio d'a ciencia de materials.
Vinclos externos
[editar | modificar o codigo]Se veigan as imáchens de Commons sobre a quimica fisica.