Teixiu (biolochía)
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/e/ee/Hypertrophic_Zone_of_Epiphyseal_Plate.jpg/200px-Hypertrophic_Zone_of_Epiphyseal_Plate.jpg)
Un teixiu (u teixito) ye un conchunto de celulas especializadas en una función concreta y orichinadas a traviés d'un proceso de diferenciación celular a partir de celulas descendients d'un zigoto en un embrión d'un organismo pluricelular.
Os sers vivos que presentan celulas agrupadas en teixius son as metafitas (plantas) y os metazous (animals), estando os teixius vechetals y animals prou diferents.
Teixius vechetals
[editar | modificar o codigo]Os teixius vechetals pueden estar simples u complexos, seguntes tiengan celulas totas eguals u uns cuantos tipos de celulas en un mesmo teixius. Os teixius simples son o colenquima, o esclerenquima y o parenquima. Os teixius complexos son os teixius vasculars (xilema y floema) y os teixius dermicos (epidermis y peridermis).
Teixius animals
[editar | modificar o codigo]Os teixius animals son poco variaus, n'i habendo cuatre tipos basicos:[1] teixiu epitelial, teixiu connectivo, teixiu muscular y teixiu nervioso. Adintro d'estos tipos basicos bi ha diferents subtipos.
Lo teixiu epitelial comprende dos tipos basicos: epitelios de revestimiento y epitelios glandulars. Adintro de los epitelios de revestimiento bi ha epitelios de celulas planas y epitelios de celulas cilindricas. En los dos tipos d'epitelio de revestimiento bi ha epitelios simples y epitelios pluriestratificaus. Les epitelios pseudoestratificaus no se forman que con celulas cilindricas u columnars.
Lo teixiu connectivo incluye lo teixiu conchuntivo, lo teixiu cartilachinoso, lo teixiu osio, lo teixiu adiposo, la sangre y la limfa.
Lo teixiu muscular se divide en liso y estriau. Lo teixiu muscular cardiaco ye una mena especial de teixiu muscular estraiu.
Lo teixiu nervioso ye formau por neuronas y neuroglía.
Referencias
[editar | modificar o codigo]- ↑ C.P.J.Hickman Principios Integrales De Zoologia - 10ª Ed. McGraw-Hill. 1998.
Bibliografía
[editar | modificar o codigo]- (es) Tracy Storer, Robert Usinger: Zoología general. Ediciones omega, S.A. 1061
- (es) C.P.J.Hickman: Principios Integrales De Zoologia - 10ª Ed. McGraw-Hill. 1998.
- (es) Natividad Ferrer Marí, Miguel Gracia Vicente, Manuel Medina Martínez: Bachillerato. Biología y Geología Bruño, 2008.