Tiesto
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/4/48/Flowerpot_1.jpg/250px-Flowerpot_1.jpg)
Un tiesto[1] ye un recipient pa o cautivo de plantas. Tradicionalment os tiestos se fan d'alfarería, pero actualment bi'n ha muitos en o mercau que son de plastico biodegradable. Istos son lichers, y mas dificils de crebar, pero tienen o inconvenient de que en l'exterior son facilment vulcaus con vientos cerenyos. Tamién bi'n decorativos feitos de piedra u porcelana.
![](https://upload.wikimedia.org/wikipedia/commons/thumb/7/74/Potting-bench-red-and-white.jpg/250px-Potting-bench-red-and-white.jpg)
Os tiestos tienen a-saber-los usos, como cautivar plantas con fins decorativas adintro d'as casas u difuera, como en balconadas y patios. Tamién sirven pa transportar plantas y fer cherminar simients.[2]
Historia
[editar | modificar o codigo]Os tiestos ya s'utilizaban dende tiempos muit antigos. En l'antigo Echipto se feban servir en a horticultura pa transportar plantas d'un huerto ta atro. En Atenas, se chitaban tiestos con flors a la mar mientres as festividaz d'os Chardins d'Adonis. Teofrasto, c. 371 – c. 287 aC, comentó que bi heba una cierta planta, dita "fusta d'o sud" que s'heba de mantener en tiestos porque yera dificil de cautivar.[3]
En l'Antiga Roma se sabe que cualques plantas se manteneban adintro d'as casas en tiestos mientres os días crudos d'hibierno.
En o sieglo XVIII se facioron servir tiestos pa portiar arbols d'o pan chóvens dende Tahití dica as Indias Occidentals en o famoso viache d'o "Bounty".[4]
Se veiga tamién
[editar | modificar o codigo]Referencias
[editar | modificar o codigo]- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.441
- ↑ (en) Etaerio - A Plant News Weblog: The History of the Flowerpot. Ubcbotanicalgarden.org. 2004-09-07
- ↑ (en) History of Ancient Pottery. Samuel Birch, 1858. Ed. J. Murray
- ↑ (en) http://www.csmonitor.com/2004/0818/p14s02-liga.html In praise of the flowerpot / The Christian Cience Monitor]. CSMonitor.com