Taymir (dega)
![](https://upload.wikimedia.org/wikipedia/commons/thumb/8/8e/Leningradskaja_River%2C_Barkova_River_mouth%2C_%D0%A0%D0%B5%D0%BA%D0%B0_%D0%9B%D0%B5%D0%BD%D0%B8%D0%BD%D0%B3%D1%80%D0%B0%D0%B4%D1%81%D0%BA%D0%B0%D1%8F%2C_%D1%83%D1%81%D1%82%D0%B5_%D1%80._%D0%91%D0%B0%D1%80%D0%BA%D0%BE%D0%B2%D0%B0_-_panoramio.jpg/320px-Leningradskaja_River%2C_Barkova_River_mouth%2C_%D0%A0%D0%B5%D0%BA%D0%B0_%D0%9B%D0%B5%D0%BD%D0%B8%D0%BD%D0%B3%D1%80%D0%B0%D0%B4%D1%81%D0%BA%D0%B0%D1%8F%2C_%D1%83%D1%81%D1%82%D0%B5_%D1%80._%D0%91%D0%B0%D1%80%D0%BA%D0%BE%D0%B2%D0%B0_-_panoramio.jpg)
Taymir dega ( rossiavon Таймы́рский полуо́стров ) tir rossiafa dega valente istefa Sibiria, tazukasa va lolentefi ki ke Asia tadava. Inafa taltefa kima tir Yenisey pargalu ke Kara bira isen tela ronefa tir Xatanga pargalu ke Laptev bira.
Ana lentefa uta ke Asia tir Tcelyuskin evilma tigisa arte dega.
-
Liwot va Taymir dega gan Xariton Laptev, 1742
-
Liwot va Taymir, 1902
-
Liwot va Taymir, 1975
Ristulon, va Krasnoyarsk winka rupter. Dega lokon tir dem Nganasan sane isu Dolgan is lonoelton Rossiik.
Tawavopa
[betara | va krent betá]Taymir dega tir dem jontika uzda : Taymir uzda isu Labaz isu Portnyagino isu Kungasalax isu Arilakax isu Kokora isu Baykuraturku isu Baldaturku isu Xargi. Taymir bost tir nelkafa voa ke dega.
Skapa
[betara | va krent betá]Nganasan sane isu Dolgan jontikedje prostewon tid sane vartese va bedakol.
Rumel koe gola zo divkawodar aze kan impadimak kal Dudinka molt kene Yenisey bost az kan tota ko Murmansk molt zo remburer.
Sulemeem is ruxeem
[betara | va krent betá]Valente Sibiria, sulemeem is ruxeem va toloy aksat ta nazbalkera tandeon anton dadid. Bak kot idulugal, bedakol gilamad nume va konak decitoy batakarupol isu spedol sekad. Silukon, zveri ke Afrika is Asia kal Taymir dega arttalad enide di nazbalked ise va telo logijafo govitafo zveriiocxo ke tamava tazukad.
![](https://upload.wikimedia.org/wikipedia/commons/thumb/a/af/20070818-0001-strolling_reindeer.jpg/320px-20070818-0001-strolling_reindeer.jpg)
![](https://upload.wikimedia.org/wikipedia/commons/thumb/b/b6/Ursus_maritimus_in_Alaska.jpg/320px-Ursus_maritimus_in_Alaska.jpg)