Путін — хуйло!
 | Гэтая старонка — кандыдатура на выдаленьне. Пазначце прычыну для выдаленьня!
|
 | Гэтая старонка ўтрымлівае ненарматыўную лексыку. Зьмест гэтай старонкі можа здацца некаторым чытачам непрыстойным альбо абразьлівым. |
| «Путін — хуйло» | |
| «Пуцін — хуйло» | |
 | |
| Краіна |  Украіна
|
|---|---|
| НСК «Олімпійський» перад канцэртам гурту «Океан Ельзи» | |
| «Путін — хуйло» у Вікісховішчы | |
 Вонкавыя відэафайлы
| |
|---|---|
|
|
Арыгінальны варыянт песьні ў выкананьні фанатаў ФК «Мэталіст» у Харкаве, які атрымаў масавае распаўсюджаньне |
|
|
Песьня ў выкананьні в.а. міністра замежных спраў Украіны Андрэя Дзяшчыцы (амбасада РФ, Кіеў) |
|
|
Беларусы і ўкраінцы сьпяваюць «Путін — Хуйло», падчас выступу гурту «Гайдамаки», рок-фэст «Басовішча» |
«Путін — хуйло!» (па-беларуску: Пуцін — хуйло!) — украінская народная[1][2] лаянкавая песьня-крычалка, інтэрнэт-мэм, які стаў папулярным пасьля расейскай інтэрвэнцыі ва Украіну ў 2014 годзе сярод праціўнікаў палітыкі прэзыдэнта Расейскай Фэдэрацыі Ўладзімера Пуціна як ва Ўкраіне, так і за яе межамі.
Словы
|
Пу-цін хуй-ло ла-ла-ла-ла-ла-ла-ла-ла ла-ла-ла-ла-ла-ла-ла-ла ла-ла-ла-ла-ла-ла-ла-ла |
|
Нярэдка крычалка выконваецца а капэла, але ўсё часьцей з дапамогай музычнага суправаджэньня і шматразова паўтараецца, перамяжоўваючыся зь перапеўкамі «ла-ла-ла-ла», часам таксама ўжываюць «ло-ло-ло-ло» для рыфмы са словам «хуйло».
Гісторыя
Упершыню дакумэнтальна зафіксаваная ў Харкаве 30 сакавіка 2014 году, калі песьню выканалі на сумесным маршы фанаты харкаўскага «Мэталісту» і данецкага «Шахтару»[3]. Затым песьню падхапілі фанаты іншых футбольных клюбаў, у тым ліку кіеўскага «Дынама»[4], чарнігаўскай «Дзясны»[5], львоўскіх «Карпатаў»[6], палтаўскай «Ворсклы»[7] і іншыя.
Першы відэаролік на сэрвісе YouTube быў загружаны 4 красавіка пад назвай «инцидент на параде в Москве Путин хуйло Хит лета 2014 года»[8]
У траўні 2014 году кавэр-вэрсію песьні запісаў гурт «Телері», словы якой былі некалькі перайначаныя для пазьбяганьня няцэнзурнага тэксту — «Пуцін hello», але ў сюжэце відэакліпу герой песьні падвяргаецца катаваньням у выглядзе гвалтоўнага кармленьня традыцыйным украінскім прадуктам — салам[9].
Песьня хутка стала папулярнай і ў чэрвені зьявіўся першы запіс, выкананы пры ўдзеле украінскіх турыстаў за мяжой — у Лос-Анджэлес[10].
22 ліпеня 2014 году ў сеціве зьявіўся відэазапіс з выкананьнем песьні беларусамі на штогадовым рок-фэсьце «Басовішча» у Польшчы[11].
Сусьветны розгалас
На сёньняшні дзень крычалку выконваюць ужо і за межамі Ўкраіны, у тым ліку ў такіх краінах як ЗША, Канада, Мэксыка, Японія, краінах СНД і Заходняй Эўропы[12].
15 чэрвеня асноўны выраз песьні стаў больш вядомы дзякуючы в.а. міністра ўнутраных справаў Украіны Андрэю Дзяшчыцу, які вымавіў асноўныя словы песьні падчас антываеннага мітынгу ля амбасады РФ у Кіеве, на які Дзяшчыца прыбыў з мэтаю супакойваньня мітынгоўцаў[13][14]. Гэты факт выклікаў незадавальненьне ў кіраўніцтва РФ, міністар замежных спраў гэтай краіны Сяргей Лаўроў зрабіў адпаведную пратэстную заяву[15].
Песьня займела ўвагу ў незалежнай беларускай[16][17] і сусьветнай прэсы, была тэмай публікацыяў уплывовых міжнародных газэт, такіх як The Guardian[14], The Washington Post[12], The Wall Street Journal[18], Радыё «Свабодная Эўропа»/Радыё «Свабода»[19], Gazeta Wyborcza[20], The Atlantic[21], Israel HaYom[22] і шматлікіх іншых.
Пераробкі
21 красавіка ўкраінскі рок-гурт «АстрагентА» выпусьціў музычны відэакліп зь пераробкай песьні ў жанры мэтал[23]. 7 чэрвеня ўкраінскі гурт Mad Heads(uk) выканаў песьню на мотафэстывалі «Тарасава гара» ў сяле Чапаеўка(uk) (Залатаноскі раён, Чаркаская вобласьць, Украіна)[24]. 20 чэрвеня гурт «Нікапаль-2» выдаў кліп зь пераробкай песьні ў танцавальным клюбным жанры[25].
У інтэрнэце
Украінскімі праграмоўцамі быў распрацаваны адмысловы плагін, які аўтаматычна замяняе на прагляданых старонках усе словы з прозьвішчам расейскага прэзыдэнта на адпаведнае лаянкавае слова.
Галерэя
-
Прыблізная фіксацыя нотамі -
«ПТН ХЛО», зробленае налепкамі кампаніі «Не купляй расейскае!» на плоце, Бравары
-
Аўтамабіль з нумарнымі знакамі «ПТН-ХЛО», Кіеў -
«Путін хуйло» на паркане Расейскай амбасады ў Кіеве
Крыніцы
- ^ Дещиця приєднався до виконаньня народної пісьні про Путіна. (укр.)
- ^ Информационное агентство «ОстроВ»: «Из песни слов не выкинешь! Народный шлягер». (рас.)
- ^
Арыгінальны выступ .
- ^ Арыгінальны выступ .
- ^ Арыгінальны выступ .
- ^ Арыгінальны выступ .
- ^ Арыгінальны выступ .
- ^ Арыгінальны выступ .
- ^ Видэасюжэт ТСН . (укр.)
- ^ Арыгінальны выступ .
- ^ На «Басовішчы» .
- ^ а б Khuilo: The offensive term that has attached itself to Putin. The Washington Post. (анг.)
- ^ Матэрыял Hromadske.TV .
- ^ а б Ukraine minister's abusive remarks about Putin spark diplomatic row. The Guardian. (анг.)
- ^ Дещица перешел грань приличий, заявил Лавров. РИА Новости. (рас.)
- ^ Міністр замежных спраў Украіны адкрыта назваў Пуціна «х*йлом», Наша Ніва.
- ^ Глава МИД Украины объяснился по поводу частушки в адрес Путина. tut.by. (рас.)
- ^ "Soccer Foes Join Forces on the Front Lines of Ukraine Crisis". The Wall Street Journal. (анг.)
- ^ "Some Smile, Others Squirm As Obscenity Becomes Latest Rallying Cry In Ukraine Crisis". Радыё «Свабодная Эўропа»/Радыё «Свабода». (анг.)
- ^ Apel ukraińskich kibiców: Odśpiewajcie na mundialu naszą piosenkę o Putinie. Gazeta Wyborcza. (пол.)
- ^ 'Putin Khuilo!': Ukraine's Obscene, Patriotic Rallying Cry". The Atlantic. (анг.)
- ^ "שר החוץ האוקראיני קילל את פוטין". Israel HaYom.
- ^ АстрагентА. Пуцін ху*ло. Украінская народная (рок-вэрсія) // YouTube, 5 траўня 2014 г. Праверана 2 жніўня 2014 г.
- ^ Mad Heads. Птн хло. Мотафэст «Тарасава гара - 2014» // YouTube, 22 чэрвеня 2014 г. Праверана 2 жніўня 2014 г.
- ^ Нікапаль-2. Пуцін хуйло - танцавальная клюбная музыка // YouTube, 20 чэрвеня 2014 г. Праверана 2 жніўня 2014 г.
Вонкавыя спасылкі
Путін — хуйло! — сховішча мультымэдыйных матэрыялаў