Абозны

Абозны — ураднік ў войску Рэчы Паспалітай (у тым ліку Вялікім Княстве Літоўскім). Вялікі абозны займаўся пошукам месца для лягера, яго ўмацаваньнем, расквартаваньнем войскаў.

Пасада ўведзеная ў 1633 годзе. На Сойме 1717 году было ўстаноўлена жалаваньне ў памеры 15000 злотых. Калі пасада вялікага абознага стала дыгнітарскай (ганаровай, т.б. намінальнай) яго функцыі пераняў польны (вайсковы) абозны, якіх магло быць некалькі (звычайна два). У XVIII стагодзьдзі пасада абознага польнага таксама стала дыгнітарскай. Абозныя прызначаліся гетманамі, з 1768 году — пажыцьцёва. У XVIII стагодзьдзі існавалі таксама павятовыя абозныя.

Глядзіце таксама

• Абозны вялікі каронны
• Абозны вялікі літоўскі
• Абозны польны каронны
• Абозны польны літоўскі

Літаратура

• Валерый Пазднякоў. Абозны // ВКЛ. Энцыкл. — Мн.: 2005 Т. 1. С. 197.