Андрэй Клімовіч
| Андрэй Клімовіч | ||
| ||
| Пэрсанальная інфармацыя | ||
|---|---|---|
| Нарадзіўся | 27 жніўня 1988[1][2] (36 гадоў) | |
| Рост | 195 см | |
| Вага | 90 кг[3] | |
| Пазыцыя | брамнік | |
| Клюбная інфармацыя | ||
| Клюб | Іслач | |
| Нумар | 1 | |
| Клюбы | ||
| Гады | Клюб | Гульні (галы)¹ |
| 2006 | Энэргетык-БДУ | 20 (0) |
| 2007—2008 | Дынама Менск | 0 (0) |
| 2009 | Баранавічы | 12 (0) |
| 2010 | Верас[d] | 25 (0) |
| 2011—2013 | Дынама Берасьце | 51 (0) |
| 2014 | Гомель | 27 (0) |
| 2015—2016 | Менск | 56 (0) |
| 2017 | Дынама Менск | 17 (0) |
| 2018—2019 | Шахцёр Салігорск | 46 (0) |
| 2019—2021 | Арэнбург | 55 (0) |
| 2021—2022 | Кубань[d] | 17 (0) |
| 2022—2024 | Волга Ульянаўск[d] | 49 (0) |
| 2024— | Іслач | 3 (0) |
| Зборныя | ||
| 2017—2019 | Беларусь | 2 (0) |
|
¹ Колькасьць гульняў і галоў за прафэсійны клюб лічыцца толькі | ||
Андрэй Клімовіч (нарадзіўся 27 жніўня 1988 году) — беларускі футбаліст, брамнік «Іслачы». Гулец нацыянальнай зборнай Беларусі.
Кар’ера
[рэдагаваць | рэдагаваць крыніцу]Выхаванец менскага РЦАП-БДУ. Выступаў за менскія «Зорку-БДУ» і «Дынама», з апошняга (дзе гуляў за дубль) аддаваўся ў арэнду першалігаваму клюбу «Баранавічы». Сэзон 2010 году правёў у нясьвіскім «Верасе», а ў сьнежні 2010 году трапіў у склад берасьцейскага «Дынама». Разглядаўся як асноўны брамнік, але ў другой палове сэзону 2011 году прайграў канкурэнцыю Вадзіму Дзеонасу, а ў сэзоне 2012 году — Валеру Фамічову. Толькі ў сэзоне 2013 году нарэшце стаў асноўным брамнікам і згуляў ува ўсіх 32 матчах чэмпіянату.
У сьнежні 2013 году падпісаў двухгадовы кантракт з «Гомлем»[4]. У першым жа матчы сэзону, 22 сакавіка 2014 году, супраць магілёўскага «Дняпра» на Кубак Беларусі, зрабіў партацкую памылку, празь якую «Гомель» атрымаў паразу зь лікам 1:2. Пасьля гэтага асноўным брамнікам каманды стаў Мікалай Раманюк, але празь некаторы час Клімовіч вярнуў месца ў асноўным складзе. Пазьней пачаў дэманстраваць выдатную гульню, 10 жніўня 2014 году стаў героем матчу супраць салігорскага «Шахцёра», калі адбіў два пэнальці, дзякуючы чаму гомельскі клюб перамог 1:0.
У студзені 2015 году, скасаваўшы кантракт з «Гомлем», стаў гульцом футбольнага клюбу «Менск»[5]. У «Менску» замацаваўся як першы брамнік, правёўшы ад пачатку да канца ўсе матчы сэзону 2015 году. У лютым 2016 году падоўжыў кантракт з сталічным клюбам[6]. У сэзоне 2016 году згуляў ува ўсіх матчах каманды, дапамогшы «Менску» спыніцца на чацьвертым месцы ў чэмпіянаце. Гулец усталяваў новы рэкорд, то бок правёў 19 «сухіх» матчаў у чэмпіянаце за сэзон. Паводле вынікаў сэзону быў прызнаны найлепшым брамнікам чэмпіянату Беларусі.
У студзені 2017 году падпісаў кантракт зь менскім «Дынама»[7]. Пасьля няўдалай гульні Сяргея Ігнатовіча ў першым матчы сэзону, калі сталічнікі згулілі зь лікам 2:2 матч супраць берасьцейскага «Дынама» ў Кубку Беларусі, Клімовіч заняў месца асноўнага брамніка. Аднак, 27 ліпеня 2017 году ўжо памылкі Клімовіча прывялі да паразы ў Лізе Эўропы ад кіпрскага АЕКу (0:2), пасьля чаго Ігнатовіч вярнуўся ў асноўны склад, а Клімовіч заставаўся другім брамнікам. Толькі ў канцы сэзону, праз траўмы Ігнатовіча, Андрэй ізноў стаў зьяўляцца на полі. У сьнежні 2017 году па заканчэньні кантракту пакінуў «Дынама»[8]. У студзені 2018 году падпісаў двухгадовае пагадненьне з салігорскім «Шахцёрам»[9]. Стаў асноўным брамнікам і капітанам салігорскай каманды. У сакавіку 2019 году на два гады падоўжыў кантракт з салігорцамі[10].
У жніўні 2019 году перайшоў у клюб расійскай Прэм’ер-лігі «Арэнбург»[11], дзе быў першым выбарам сярод брамнікаў каманды, але ня выратаваў яе ад вылету ў ФНЛ паводле вынікаў сэзону 2020—2021 гадоў. У чэрвені 2021 году стала вядома, што «Арэнбург» ня будзе падаўжаць кантракт з брамнікам[12]. Ужо ў наступным месяцы спартовец узмоцніў склад краснадарскай «Кубані», якая прабілася ў ФНЛ[13]. Спачатку гуляў у стартавым складзе, пасьля апынуўся на лаўцы запасных. У лістападзе 2021 году быў выстаўлены клюбам на транфэр[14], у выніку застаўся ў камандзе, але на поле ўжо не выходзіў. У чэрвені 2022 году паводле пагадненьня бакоў пакінуў «Кубань»[15]. У жніўні 2022 году стаў гульцом ульянаўскай «Волгі»[16], дзе замацаваўся ў складзе. У чэрвені 2023 году, не зважаючы на вылет «Волгі» ў Другую лігу, падоўжыў кантракт з клюбам на наступны сэзон[17].
У канцы жніўня 2024 году далучыўся да прысталічнай «Іслачы»[18]
Міжнародная
[рэдагаваць | рэдагаваць крыніцу]Упершыню быў выкліканы ў склад нацыянальнай зборнай Беларусі ў жніўні 2014 году[19], пасьля паспяховай гульні за «Гомель», але тады гэтак і не дэбютаваў за яе. Пасьля выклікаўся ў зборную ў якасьці гульца «Менску», але звычайна быў трэцім брамнікам. 12 чэрвеня 2017 году дэбютаваў у нацыянальнай зборнай у таварыскім матчы супраць зборнай Новай Зэляндыі.
Дасягненьні
[рэдагаваць | рэдагаваць крыніцу]- Уладальнік Кубка Беларусі: 2019
- Срэбраны прызэр чэмпіянату Беларусі: 2017, 2018
- Найлепшы брамнік чэмпіянату Беларусі: 2016
- У сьпісе 22 найлепшых футбалістаў чэмпіянату Беларусі: 2016
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 26 | –28 |
| 2016 | Найвышэйшая ліга | 30 | –23 | |
| Дынама Менск | 2017 | Найвышэйшая ліга | 17 | –9 |
| Шахцёр Салігорск | 2018 | Найвышэйшая ліга | 29 | –13 |
Крыніцы
[рэдагаваць | рэдагаваць крыніцу]- ^ а б в Andrey Klimovich // Transfermarkt (мн.) — 2000.
- ^ а б в Andrey Klimovich // FBref.com (мн.)
- ^ а б https://www.fcvu.ru/news/vse-novosti/1157-andrej-klimovich-stal-igrokom-volgi
- ^ Андрей Климович подписал контракт с «Гомелем» (рас.)
- ^ Андрей Климович сменил "Гомель" на "Минск"
- ^ Андрей Климович продлил контракт с "Минском"
- ^ Андрей Климович стал игроком минского "Динамо"
- ^ Климович покинул минское «Динамо»
- ^ "Шахтер" объявил о подписании Андрея Климовича
- ^ "Шахтер" на два года продлил контракт с Климовичем
- ^ Официально: Андрей Климович стал игроком "Оренбурга"
- ^ "Оренбург" не стал продлевать контракт с Андреем Климовичем
- ^ Футбол. Андрей Климович будет выступать за "Кубань" Архівавана 5 снежня 2021.
- ^ "Кубань" выставила на трансфер Андрея Климовича
- ^ "Кубань" расторгла контракт с Андреем Климовичем
- ^ Андрей Климович стал игроком "Волги"
- ^ Андрей Климович остается в "Волге" (рас.) Праверана 2023-06-15 г.
- ^ лимович до конца сезона будет выступать за "Ислочь" (рас.) Праверана 2024-08-29 г.
- ^ Андрей Климович вызван в сборную Беларуси
Вонкавыя спасылкі
[рэдагаваць | рэдагаваць крыніцу]- Профіль на сайце берасьцейскага «Дынама» (рас.)
- Статыстыка «ПБ-Инфо» (рас.)
- Нарадзіліся 27 жніўня
- Нарадзіліся ў 1988 годзе
- Нарадзіліся ў Менску
- Футбалісты клюбу «Іслач» Менскі раён
- Футбалісты клюбу «Энэргетык»-БДУ Менск
- Футбалісты клюбу «Дынама» Менск
- Футбалісты клюбу «Баранавічы»
- Футбалісты клюбу «Верас» Нясьвіж
- Футбалісты клюбу «Дынама» Берасьце
- Футбалісты клюбу «Гомель»
- Футбалісты клюбу «Менск»
- Футбалісты клюбу «Шахцёр» Салігорск
- Футбалісты клюбу «Арэнбург»
- Футбалісты зборнай Беларусі
- Беларускія футбалісты
- Футбалісты клюбу «Кубань» Краснадар
- Футбалісты клюбу «Волга» Ўльянаўск