Арсэнал Койданаў

	Арсэнал Койданаў
Заснаваны	2019
Горад	Койданаў, Беларусь
Стадыён	Гарадзкі; Умяшчальнасьць: 1100
Галоўны трэнэр	Вячаслаў Вашкевіч[d];
Чэмпіянат	Найвышэйшая ліга
· 2023	Першая ліга, 1 месца (падвышэньне)
	Галерэя здымкаў у Вікісховішчы;

«Арсэна́л» — беларускі футбольны клюб з Койданава. Клюб хутка прайшоў шлях ад найніжэйшых дывізіёнай да Найвышэйшай лігі, у якой дэбютаваў у сэзоне 2022 году. Па выніках першага году ў элітным дывізіёне клюб страціў сваё месца, прагуляўшы ў пераходных матчах рагачоўскаму «Макслайну». З 2024 году клюб зноў спаборнічае ў Найвышэйшай лізе.

Гісторыя

Заснаваны ў 2019 годзе беларускім бізнэсоўцам Аляксеем Меляшэвічам разам з Алексам Русгальмам, прэзыдэнтам швэдзкай «Эскільстуны»^[2]. Аб стварэньні новага клюбу стала вядома ў студзені 2019 году^[3].

Каманда, складзеная ў асноўным зь нядаўніх дублёраў клюбаў найвышэйшай лігі, а таксама зь некалькіх дасьведчаных вэтэранаў і мясцовых гульцоў, адразу заявілася ў Другую лігу. Дружына пасьпяхова прайшла дыстанцыю, выйграла барацьбу з «Ашмянамі-БДУФК» за першы радок і стала чэмпіёнам Другой лігі.

У 2020 годзе каманда працягвала камплектавацца маладымі футбалістамі, а таксама некалькімі дасьведчанымі выканаўцамі. Празь неадпаведнасьць стадыёну ў Койданаве патрабаваньням хатнія матчы «Арсэнал» ладзіў на стадыёне РЦАР-БДУ ў Менску. Каманда добра пачала выступы ў Першай лізе, доўгі час вёў барацьбу за высокія месцы і магчымае прасоўваньне ў Найвышэйшую лігу, але пазьней стаў саступаць канкурэнтам і ў выніку стаў чацьвертым. У верасьні пасаду галоўнага трэнэра пакінуў Сяргей Ясковіч, замест яго кіраваць камандай стаў абаронца Павал Кірыльчык. У сэзоне 2021 году камандай працягваў кіраваць Павал Кірыльчык. Хатнія матчы «Арсэнал» стаў праводзіць на стадыёне «Гарадзея». Каманда хутка захапіла лідэрства ў табліцы і, не зважаючы на шэраг няўдалых адрэзкаў, захавала першы радок да канца турніру і выйшла ў найвышэйшую лігу.

У сэзоне 2022 году клюб захаваў асноўных гульцоў. У найвышэйшай лізе клюб стаў адным з аўтсайдэраў і доўгі час рухаваў у зоне вылету, аднак пасьпяховы фініш дазволіў скончыць чэмпіянат на 14 месцы з 16. У пераходных матчах за месца ў найвышэйшай лізе на наступны сэзон «Арсэнал» саступіў рагачоўскаму «Макслайну» (3:2, 1:3) і выбыў у першую лігу.

У пачатку 2023 году новым трэнэрам каманды быў прызначаны Сяргей Паўлюковіч, якога ў ліпені замяніў Аляксандар Бразевіч. «Арсэнал» выдатна пачаў сэзон у Першай лізе, здабыўшы перамогі ў першых дзесяці турах, і ў далейшым захаваў першы радок да канца турніру. За тры туры да фінішу забясьпечыўшы вяртаньне ў Найвышэйшую лігу. У канцы сьнежня зьявіліся зьвесткі, што клюб можа ня даць рады ў фінансавым складніку, каб узяць удзел у розыгрышы Найвышэйшай лігі^[4]. У наступныя месяцы стала вядома, што па дапамогу клюб зьвярнуўся да маскавіцкага «Лякаматыва», які склаў дамову аб супрацы з койданаўскім клюбам^[5]. Новым галоўным трэнэрам быў прызначаны расеец Вячаслаў Вашкевіч^[6].

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Іван Санько	1999
2	Аб	Аляксандар Чыж	1997
4	Аб	Кірыл Воўкаў (ар. Лякаматыў)	2006
8	ПА	Вадзім Аруцюнян	2005
9	Нап	Руслан Мялкоўскі	2006
11	ПА	Юры Лавец	1996
13	Аб	Іван Арашкевіч	2005
15	Нап	Ягор Бабіч	2001
17	ПА	Дзьмітры Луцік	2002
20	ПА	Андрэ Эдгар	1999
22	Аб	Атыла Фрэйрэ	2002
25	Нап	Дзьмітры Мацяш	2000
27	Нап	Іван Талкачоў	2004

№	Пазыцыя	Імя	Год нараджэньня
34	Нап	Арцём Пятрэнка	2000
35	Бр	Аляксей Васільеў	2004
39	Нап	Мацьвей Герасімаў	2001
47	ПА	Даніла Гадзяеў (ар. Лякаматыў)	2004
49	Бр	Арцём Сарока	1992
50	Бр	Мацьвей Коўрук	2005
51	ПА	Аляксандар Скшынецкі (капітан)	1990
55	Аб	Раман Вягера	2000
66	Аб	Арсень Агееў (ар. Лякаматыў)	2004
72	Аб	Аляксандар Пазьняк	1994
77	ПА	Яўген Сакута	2000
80	Нап	Мікіта Яршоў (ар. Факел)	2002
—	ПА	Фрэд Жуніяр	1999

Статыстыка

Сэзон	Ліга	Месца	Г	В	Н	П	РМ	Пкт	Кубак
2019	Другая	1	28	25	1	2	119–14	76	1/16
2020	Першая	4	26	13	7	6	41–28	46	1/4
2021	Першая	1	33	20	8	5	59–22	68	1/8
2022	Найвышэйшая	14	30	5	8	17	18–42	23	1/8
2023	Першая	1	32	26	3	3	86–30	81	1/8

Крыніцы

[_cd4f6ea05524fa9f-1] ttps://football.by/news/182801

[2] «Арсенал» из Дзержинска — очень амбициозный проект. Клуб заинтересовал даже младшего Глеба (рас.)

[3] В Беларуси появится новый футбольный клуб – «Арсенал» из Дзержинска. С командой уже тренируются Вячеслав Глеб и Осипенко

[4] «Андрей Василевич: „Арсенал“ и еще один клуб могут не справиться с критериями лицензирования» (рас.) Football.by

[5] «А как там „Арсенал“? Из „Локомотива“ к „канонирам“ приехал не только тренер, но и игроки» (рас.) Football.by

[6] «Не быть „лифтерами“. Дзержинский „Арсенал“ с новым тренером готовится войти в одну и ту же реку второй раз». (рас.) Прессбол.

[1]

[2]

[3]

[4]

[5]

[6]