Завішына (Лагойскі раён)
Завішына | |
трансьліт. Zavišyna | |
Краіна: | Беларусь |
Вобласьць: | Менская |
Раён: | Лагойскі |
Сельсавет: | Крайскі |
Насельніцтва: | 224 чал. (2009) |
Часавы пас: | UTC+3 |
Тэлефонны код: | +375 1774 |
Паштовы індэкс: | 223141 |
Нумарны знак: | 5 |
Геаграфічныя каардынаты: | 54°28′38″ пн. ш. 27°39′50″ у. д. / 54.47722° пн. ш. 27.66389° у. д.Каардынаты: 54°28′38″ пн. ш. 27°39′50″ у. д. / 54.47722° пн. ш. 27.66389° у. д. |
Завішына на мапе Беларусі ± ![]() ![]() Завішына | |
![]() |
Заві́шына[1] — вёска ў Лагойскім раёне Менскай вобласьці Беларусі. Уваходзіць у склад Крайскага сельсавету.
У 1924—1954 гадах цэнтар Завішынскага сельсавету. Да 28 траўня 2013 году вёска ўваходзіла ў склад Нястанавіцкага сельсавету[2].
Гісторыя
[рэдагаваць | рэдагаваць крыніцу]Фальварк Завішына, ці Завішынская Рудня, над ракою Дзьвінасай атрымаў сваю назву ад прозьвішча ўласьнікаў маёнтку — Завішаў.[3]
У 1670 г. падкаморы Міхась Завіша пабудаваў касьцёл, пры якім была заснавана місыя францішканаў. Праз сто гадоў, у 1770 г., новыя ўласьнікі фальварку, Валовічы, заснавалі новы фундуш. Касьцёл быў рэкансэкраваны ў 1802 г. пад тытулам св. Антонія й атрымаў статус філіяльнага ад Акалоўскай парафіі.[3]
Пасьля зьнядзеяньня паўстаньня 1863 г. касьцёл у Завішыне зачынілі й перадалі праваслаўнаму ведамству. "Паводле просьбы сялянаў у касьцёле быў пакінуты абраз св. Антонія са срэбраным венчыкам і іншымі ўпрыгожваньнімі".[3]
Завішынскі касьцёл уяўляў сабой простакутны ў пляне будынак на каменным падмурку, з 5-граннай апсыдай, флянкаванай 2 закрыстыямі. Касьцёл, крыты гонтай, завяршалі "капулкай ад фронту й сыгнатуркай над вялікім аўтаром". Над бабінцамі знаходзіліся хоры. Інтэр'ер упрыгожывалі 3 аўтары: галоўны 2-павярховы з абразом св. Антонія ў медзянай шаце й абразом Найсьвяцейшай Панны Марыі ўгары, бакавыя — Пана Езуса й Маці Божай. У 1859 г. касьцёл быў рэканструяваны ў стылі клясыцызму.[3]
Ужо на пачатку ХХ ст. сьвятыня знахаділася ў зруйнаваным стане.
У 1997 г. на яе месцы быў установлены каталіцкі крыж.[3]
![](https://upload.wikimedia.org/wikipedia/commons/thumb/a/a9/%D0%97%D0%B0%D0%B2%D1%96%D1%88%D1%8B%D0%BD%D0%B0._%D0%A0%D1%83%D1%96%D0%BD%D1%8B_%D0%BA%D0%B0%D1%81%D1%8C%D1%86%D1%91%D0%BB%D0%B0_%D0%BD%D0%B0_%D0%BF%D0%B0%D1%87%D0%B0%D1%82%D0%BA%D1%83_XX_%D1%81%D1%82.png/220px-%D0%97%D0%B0%D0%B2%D1%96%D1%88%D1%8B%D0%BD%D0%B0._%D0%A0%D1%83%D1%96%D0%BD%D1%8B_%D0%BA%D0%B0%D1%81%D1%8C%D1%86%D1%91%D0%BB%D0%B0_%D0%BD%D0%B0_%D0%BF%D0%B0%D1%87%D0%B0%D1%82%D0%BA%D1%83_XX_%D1%81%D1%82.png)
Насельніцтва
[рэдагаваць | рэдагаваць крыніцу]- 2009 год — 224 чалавек[4]
Крыніцы
[рэдагаваць | рэдагаваць крыніцу]- ^ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu)
- ^ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (рас.)
- ^ а б в г д "Каталіцкія святыні. Мінска-Магілёўская архідыяцэзія. Частка I". Тэкст і фота Аляксея Яроменкі. Мінск, "Про Хрысто", 2003 год. 256 с. ISBN 985-6628-37-7.
- ^ Вынікі перапісу 2009 году ў Беларусі