Карабах Агдам

	Карабах
Поўная назва	па-азэрбайджанску: Qarabağ Futbol Klubu
Заснаваны	1951
Горад	Агдам, Азэрбайджан
Стадыён	імя Тофіка Бахрамава; Умяшчальнасьць: 31 200
Прэзыдэнт	Тахір Гэзал[d]
Кіраўнік	Azərsun Holdinq[d]
Чэмпіянат	Прэм’ер-ліга
· 2023—2024	1 месца
	Галерэя здымкаў у Вікісховішчы; Афіцыйны сайт

«Карабах» (па-азэрбайджанску: Qarabağ) — азэрбайджанскі футбольны клюб з гораду Агдаму. Заснаваны ў 1951 годзе. 11-разовы чэмпіён Азэрбайджану (1993, 2014, 2015, 2016, 2017, 2018, 2019, 2020, 2022, 2023, 2024) і васьміразовы ўладальнік Кубка Азэрбайджану (1993, 2006, 2009, 2015, 2016, 2017, 2022, 2024).

«Карабах» быў першым клюбам, які выйграў Кубак Азэрбайджану і не разьмяшчаўся ў Баку. Адзін з самых пасьпяховых азэрбайджанскіх клюбаў, якія выступалі ў эўрапейскіх спаборніцтвах (3 перамогі адна за адной). Дабраліся да плэй-офф Лігі Эўропы ў 2009 ды 2010 гадох. Адзін з трох клюбаў, якія ўдзельнічалі ва ўсіх розыгрышах азэрбайджанскай прэм’ер-лігі (разам з «Нэфтчы»).

Гісторыя

Клюб створаны ў 1951 пасьля пабудовы гарадзкога стадыёну ў Агдаме. Шмат працы было зроблена для стварэньня прафэсійнай каманды. Першапачатковая назва была «Мэхшул». Упершыню клюб прыняў удзел у чэмпіянаце Азэрбайджану ў 1966 годзе. У 1993 годзе падчас Нагорна-Карабаскай вайны горад быў заняты Армэніяй, а клюб быў эвакуяваны ў Баку. Галоўны трэнер клюбу Алавэрдзі Багіраў загінуў у гэтай вайне. У 2001 годзе клюб пачаў атрымліваць спонсарскую падтрымку самага буйнога холдынгу Азэрбайджану Azersun Holding.

У 2008 годзе былая зорка азэрбайджанскага футболу Гурбан Гурбанаў быў прызначаны галоўны трэнэрам пасьля нечаканага сыходу Расіма Кары ў ленкаранскі «Хазар» за тыдзень да пачатку сэзону 2008—2009 гадоў. Ачоленыя Гурбанам Гурбанавым, «Карабах» адмовіўся ад звыклай на той час азэрбайджанскай стратэгіі, якая палягала на прыцягненьне замежнікаў у каманду, і пераключыўся на карысьць выхаваньня мясцовых талентаў^[1]. Гурбанаў спрабаваў укараніць стыль гульні вядомы як тыкі-така, які характарызуецца кароткімі перадачамі, працяглымі пэрыядамі падрыхтоўкі нападу і гульцамі, якія мяняюцца пазыцыямі^[2]. Пры Гурбанаве «Карабах» стаў адным з самых пасьпяховых азэрбайджанскіх футбольных клубаў у Эўропе. Гэтак у розыгрышы Лігі Эўропы 2009—2010 гадоў «Карабах» спачатку выгуляў у нарвэскага «Русэнборгу», а потым выбіў з турніру фінскую «Хонкі», толькі ў раўндзе плэй-оф азэрбайджанскі атрымалі паразу ад нідэрляндзкага «Твэнтэ» і скончылі свой эўрапейскі шлях у тым сэзоне. У наступным сэзонах «Карабах» зноў браў удзел у Лізе Эўропы і спыняўся ў тым жа раўндзе.

Склад

Актуальны на 21 жніўня 2024 году

№	Пазыцыя	Імя	Год нараджэньня
1	Бр	Шагрудын Магамэдаліеў	1994
2	Аб	Матэўс Сылва	1997
6	ПА	Жулію Раман	1998
7	ПА	Ясін Бэнзья	1994
8	ПА	Марка Янкавіч	1995
9	Нап	Муса Гурбанлы	2002
10	Нап	Абдэля Зубір	1991
13	Аб	Баглул Мустафазадэ	1997
15	Нап	Леандру Андрадзі	1999
17	Нап	Аміду Кейта	1994
18	Нап	Жуніньню	1996
19	Нап	Рэдон Джыджа	1998
20	ПА	Рычард Алмэйда	1989

№	Пазыцыя	Імя	Год нараджэньня
24	ПА	Аляксей Ісаеў	1995
27	Аб	Турал Байрамаў	2001
29	Аб	Марка Вэшавіч	1991
30	Аб	Абас Гусэйнаў	1995
44	Аб	Элвін Джафаргуліеў	2000
55	Аб	Бадаві Гусэйнаў (капітан)	1991
66	ПА	Патрык Андрадзі	1993
81	Аб	Кевін Мэдына	1993
89	Бр	Амін Рамазанаў	2003
90	Нап	Нарыман Ахундзадэ	2004
97	Бр	Фабіян Бунтыч	1997
99	Бр	Матэвуш Кахальскі	2000