Віндхук

Горад Віндхук Windhoek Герб Краіна Намібія Рэгіён Рэгіён Хомас Каардынаты 22°34′12″ пд. ш. 17°05′01″ у. д. Кіраўнік Sade Gawanas[d] Заснаваны 1840 Плошча 5 133 000 000 м² Вышыня цэнтра 1 650 м Насельніцтва ▲431 000 чал. (2020) Часавы пояс UTC+2 Тэлефонны код 61 Афіцыйны сайт windhoekcc.org.na Віндхук на карце Намібіі

Медыяфайлы на Вікісховішчы

Віндхук (англ.: Windhoek) — сталіца і найбуйны горад Намібіі. Насельніцтва складае 233 529 чалавек (2001). Віндхук з’яўляецца сацыяльным, эканамічным і культурным цэнтрам краіны. Штаб-кватэры кожнага намібійскага нацыянальнага прадпрыемства, дзяржаўнага органа, адукацыйных і культурных устаноў знаходзіцца тут.

Назва

Паштовая марка імперскай пошты для нямецкай Паўднёва-Заходняй Афрыкі з паштовым штэмпелем Віндхук

Слова «Windhoek» адбылося з афрыкаанса і азначае «ветраны куток» (ням.: Windecke). Упершыню гэта назва, пасля шматлікіх пераймензванняў, была выкарыстана ў лісце Яна Ёнкера Афрыканера, шостага правадыра нама.

Раней, на мове гэтага племя Віндхук называўся ǀAi-ǁGams («гарачая крыніца»). Горад быў названы так, таму што непадалёку знаходзілася геатэрмальная крыніца. Па гэтай жа прычыне на мове ачыгерэра ён быў названы Otjomuise («месца пары»).

Гісторыя

Віндхук у канцы XIX стагоддзя

Паселішча на месцы Віндхука пад уладай правадыра нама ўзнікла ў 1800 годзе, але афіцыйнай датай заснавання горада лічыцца 1890 год, калі ён быў абвешчаны сталіцай Германскай Паўднёва-Заходняй Афрыкі. З пачатку Першай сусветнай вайны і да 21 сакавіка 1990 года Віндхук знаходзіўся пад уладай ПАР. Пасля абвяшчэння незалежнасці 21 сакавіка 1990 года горад стаў сталіцай Намібіі.

Клімат

Горад размешчаны ў паўпустынным кліматычным рэгіёне. Падчас летніх месяцаў днём варта сухая спякота, ночы халаднаватыя. Максімальная дзённая тэмпература ўлетку — 31 °C. Узімку (месяцы чэрвень, ліпень і жнівень) звычайна выпадае невялікая колькасць дажджу. Мінімальная тэмпература вагаецца ад 5 °C да 18 °C. Ночы халодныя, але тэмпература рэдка падае ніжэй нуля і амаль ніколі не ідзе снег. Максімальная тэмпература днём — каля 20 °C.

Сярэднегадавая тэмпература, 19,47 °C, з’яўляецца адносна высокай для горада, размешчанага на такой вышыні на мяжы трапічнай зоны. Гэта абумоўлена дамінаваннем цёплага паўночнага паветранага цячэння і горамі, размешчаным на поўдзень ад горада, якія надзейна абараняюць Віндхук ад халодных паўднёвых ветраў.

Сярэднегадавая колькасць ападкаў, каля 330 мм, не дазваляе развіццё садоў і зялёных насаджэнняў у горадзе без інтэнсіўнага штучнага паліву. У раёне горада пераважае стэпавая расліннасць са шматлікімі кустамі. Часта здараюцца засухі.

Клімат Віндхука
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	30,3	28,7	27,4	25,8	23,4	20,7	21,2	23,8	27,5	29,3	30,2	31,4	26,6
Сярэдняя тэмпература, °C	24,0	22,8	21,7	19,3	16,6	13,8	14,1	16,3	20,0	22,0	23,2	24,3	19,8
Сярэдні мінімум, °C	17,7	17,0	15,9	12,9	9,8	6,9	6,9	8,9	12,4	14,7	16,2	17,2	13,0
Норма ападкаў, мм	85,6	91,4	69,6	35,1	5,9	1,5	0,1	1,1	4,4	13,1	29,3	30,7	332,7
Крыніца: msn.com [1]

Насельніцтва

Год Колькасць 2001 233 529 2010 322 500 Год Колькасць 2011 325 858 2012 334 580 Год Колькасць 2016 395 000 2020 431 000

Гарады-пабрацімы

•  Ачываронга, Намібія
•  Берлін, Германія (6 ліпеня 2000)^[…]
•  Бразавіль, Рэспубліка Конга
•  Брэмен, Германія (18 красавіка 2000)^[…]
•  Ванта, Фінляндыя
•  Вецлар, Германія
•  Габаронэ, Батсвана (23 жніўня 2001)
•  Гавана, Куба (23 кастрычніка 2001)
•  Дуала, Камерун
•  Кадома, Зімбабвэ (жнівень 2018)
•  Нанкін, Кітай (16 красавіка 2015)^[…]
•  Рычманд, ЗША (20 сакавіка 1998)
•  Сан-Антоніа, ЗША (26 кастрычніка 2016)^[…]
•  Тросінген^[d], Германія
•  Харарэ, Зімбабвэ
•  Шанхай, Кітай (1 чэрвеня 1996)
•  Яганэсбург, ПАР (12 чэрвеня 2018)

Вядомыя асобы

• Хіфікепунье Пахамба

Спасылкі

• На Вікісховішчы ёсць медыяфайлы па тэме Віндхук