Ізабела Іванаўна Марціновіч

Ізабела Іванаўна Марціновіч
Дата нараджэння	27 кастрычніка 1927(1927-10-27)
Месца нараджэння	Багушэўск, Багушэўскі раён, Аршанская акруга, БССР, СССР
Дата смерці	16 лютага 2021(2021-02-16) (93 гады)
Грамадзянства	Беларусь  СССР
Род дзейнасці	юрыст, адвакат
Навуковая сфера	права
Месца працы	юрыдычны факультэт БДУ
Навуковая ступень	доктар юрыдычных навук (1969)
Навуковае званне	прафесар (1971)
Альма-матар	Мінскі юрыдычны інстытут (1949)
Прэміі	прэмія імя У. І. Пічэты
Узнагароды	Грамата Прэзідыума Вярхоўнага Савета БССР Ганаровы работнік юстыцыі Беларусі[d] (2007)

Ізабела Іванаўна Марціновіч (27 кастрычніка 1927, Багушэўск, Сенненскі раён, Віцебская вобласць) — беларускі юрыст. Доктар юрыдычных навук (1969), прафесар (1971). Заслужаны работнік вышэйшай школы Беларусі (1982). Заслужаны юрыст Беларусі (1995).

Біяграфія

Скончыла Мінскі юрыдычны інстытут у 1949 годзе. У 1952 г. на выкладчыцкай рабоце ў Мінскім юрыдычным інстытуце, з 1956 г. — на юрыдычным факультэце Беларускага дзяржаўнага ўніверсітэта: старшы выкладчык, дацэнт. З 1971 г. — прафесар кафедры крымінальнага працэсу і пракурорскага нагляду.

Кандыдацкую дысертацыю на тэму: «Прынцып галоснасці ў савецкім крымінальным працэсе» абараніла ў 1954 г. у Маскоўскім юрыдычным інстытуце, доктарскую дысертацыю на тэму: «Развіццё суда і крымінальна-працэсуальных форм судовай дзейнасці ў Беларускай ССР (1917—1967 гг.)» — у 1969 г. у БДУ.

І. І. Марціновіч стала першай у Беларусі жанчынай прафесарам — доктарам права.

Член двух спецыялізаваных Саветаў па абароне кандыдадскіх і доктарскіх дысертацый па юрыдычных навуках пры БДУ. Навуковыя працы па пытаннях судовага ладу, пракурорскага нагляду, крымінальнага працэсу, гісторыі дзяржавы і права Беларусі.

Узнагароды

• Заслужаны работнік вышэйшай школы Беларускай ССР (1982).
• Заслужаны юрыст Рэспублікі Беларусь (1995).
• Узнагароджана Граматай Вярхоўнага Савета БССР.
• Ганаровы работнік юстыцыі Беларусі (2007).
• Лаўрэат прэміі імя У. І. Пічэты (2006).

Выбраныя навуковыя працы

• Мартинович И. И. Адвокатура Беларуси: история и современность. Минск, 2002;
• Мартинович И. И., Пастухов М. И. Судебно-правовая реформа в Республике Беларусь: Суд присяжных и другие новвоведения. Минск,1995
• Мартинович И. И. История суда Белорусской СССР. 1917—1967. — Минск: БГУ, 1961
• Мартинович И. И. «Проблемы модернизации судебной системы Беларуси в постсоветский период».// Судебные реформы в странах СНГ. С.15-28. Минск, 2005. Тесей.

Бібліяграфія

• Судоустройство: Учебник/ Под общ. Ред. А. А. Данилевича, И. И. Мартинович. — Минск: Амалфея, 2002
• Мартинович И. И. История суда Белорусской ССР. 1917—1967.-Минск.:БГУ, 1961
• Мартинович И. И. Кодекс Республики Беларусь о судоустройстве и статусе судей — достижение судебно-правовой реформы. Сб. науч. трудов. Право и демократия. Вып. 19. Минск, БГУ, 2008. — С. 227—228.
• Судоустройство : учебник / под ред. А. А. Данилевича, И. И. Мартинович. — 2-е изд. перераб. и доп.. — Минск : Амалфея, 2010. — С. 5-45, 66-95, 150—248, 296—302, 320—327, 377—455.Мартинович И. И. Начальный этап становления белорусской прокуратуры / И. И. Мартинович // Законность и правопорядок. — 2009. — № 2(10). — С. 68-70.
• Мартинович И. И. Судоустройственное право в системе белорусского права / И. И. Мартинович // Судовы веснік. — 2009. — № 3. — С. 59-60. Мартинович И. И. Рецензия : Судоустройство : пособие /-(Ж. Ч. Коновалова и др.). Минск «Вышэйшая школа». — 2009. — 254 с. // Судовы веснік. — 2010. — № 2. — С. 79-80.
• М29 Избранные труды / И.И. Мартинович. – Минск : Редакция журнала «Промышленно-торговое право», 2016. – 560 с. – (Наследие права).

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 148. — 10 000 экз. — ISBN 985-11-0035-8. — ISBN 985-11-0169-9 (т. 10).