Фахд (БТР)
Фахд | |
---|---|
араб. فهد | |
![]() | |
Краіна паходжання | |
Вытворца | Arab Organization for Industrialization[d] |
Рухавік | дызельны рухавік |
Усяго выраблена | 1 907 |
Дызайнер | Rheinmetall |
Дата прыняцця ў эксплуатацыю | 1986 |
Даўжыня |
|
Шырыня | 2,45 м |
Вышыня | 2,25 м |
![]() |
Fahd — егіпецкі бронетранспарцёр з колавай формулай 4x4. Створаны на базе шасі грузавіка Mercedes-Benz LAP 1117/32[1].
Апісанне
[правіць | правіць зыходнік]Корпус суцэльназварны сталёвы. Браня забяспечвае поўную абарону ад снарадаў калібра 7,62 мм і аскепкаў. Аўтамабіль абсталяваны кандыцыянерам. Кіроўца сядзіць у пярэдняй частцы машыны з левага боку, а камандзір — справа. Дэсантнае аддзяленне знаходзіцца ў задняй частцы корпуса. Дэсант сядзіць на індывідуальных коўшападобных сядзеннях па цэнтры машыны тварам вонкі[1].
Узбраенне мацуецца на даху. Яно звычайна складаецца з трох кулямётаў ПК альбо FN MAG[2].
БТР Fahd развівае максімальную хуткасць да 100 км/г. Сярэдняя хуткасць складае 65 км/г. Рухавік 4-тактны дызельны Mercedes-Benz Diesel OM 366 LA з вадзяным астуджэннем у 280 к.с. пры 2200 абаротах у хвіліну. Машына здольная пераадольваць схілы да 80%, бакавыя ўхілы да 30%, траншэі шырынёй да 0,8 м, вертыкальныя перашкоды вышынёй 0,5 м. Радыус павароту складае 8 м[2].
Варыянты
[правіць | правіць зыходнік]Выкарыстоўваецца як камандна-штабная машына, машына хуткай дапамогі, лёгкабраніраваная эвакуацыйная машына. Прымяняецца для барацьбы з масавымі беспарадкамі, мініравання і размініравання[3][4].
Таксама маюцца наступныя мадыфікацыі:
- Fahd 240. Мае больш магутны рухавік і невялікае павелічэнне броні[4]. Важыць 11,6 тоны[1][2]. Узбраенне складаецца з 20-міліметровай аўтаматычнай гарматы і супрацьтанкавай кіраванай ракеты MILAN[5].
- Fahd 240 (рамонтна-тэхнічны). Мае 2,5-тонны паваротны гідраўлічны кран, усталяваны на задняй частцы даху з тэлескапічнай стралой. Вага машыны — 13 тон, вышыня — 2,8 метра[6]. Аўтамабіль абсталёўваецца паветраным кампрэсарам, электрычным блокам, зараднай прыладай для акумулятараў, выпрабавальным блокам, шліфавальнай машынкай, камплектам для рамонту шын, камплектам радыятараў, наборам інструментаў[6].
- Fahd 280 w/ BTM-208 Turret. Абсталяваны вежай з падвойным узбраеннем, якая мае 12,7 мм альбо 7,62 мм кулямёт. Даданне вежы патрабуе трэцяга члена экіпажа, наводчыка, але гэта не ўплывае на пасажыраўмяшчальнасць. Вежа — французская BTM-208, вырабленая па ліцэнзіі французскай кампаніі SAMM. Абсталяваны прыцэльным тэлескапічным перыскопам, перыскопам з паваротным люстэркам[7].
- Fahd 280-30. Прэзентаваны ў 1990 годзе[8]. Узброены 30-мм аўтаматычнай гарматай з падвойным сілкаваннем, адзін для фугасных снарадаў, другі — для бронебойных снарадаў. Таксама мае спараны 7,62-мм кулямёт ПК і пускавую ўстаноўку СТКР[2].
- Fahd 300. Прэзентаваны на выставе EDEX 2018[9][10]. Пабудаваны на шасі Tatra. Абсталяваны турбадызельным рухавіком Cummins, развіваючы максімальную хуткасць да 105 км/г. Можа змясціць 13 вайскоўцаў, уключаючы кіроўцу, камандзіра і наводчыка. V-вобразная канструкцыя корпуса забяспечвае абарону ад мін і самаробных выбуховых прылад[9][10].
Аператары
[правіць | правіць зыходнік]БТР выкарыстоўваецца Алжырам[1][6], Бангладэш[11], Бурундзі[12], Буркіна-Фасо[13][14], ДР Конга[15], Егіптам[16], Іракам[17], Францыяй[14], Кувейтам, Малі[15], Аманам[18][19], Суданам[3].
Крыніцы
[правіць | правіць зыходнік]- ↑ а б в г Kader Fahd armoured personnel carrier . Jane's Information Group (23 кастрычніка 2008). Архівавана з першакрыніцы 22 ліпеня 2009. Праверана 27 студзеня 2009.
- ↑ а б в г FAHD(недаступная спасылка). Kader factory. Архівавана з першакрыніцы December 29, 2008. Праверана 27 студзеня 2009.
- ↑ а б Fahd-240 . Military. U.S. Cavalry, Global security. Архівавана з першакрыніцы 27 студзеня 2009. Праверана 27 студзеня 2009.
- ↑ а б FAHD armoured vehicle(недаступная спасылка). Arab Organization for Industrialization. Архівавана з першакрыніцы September 12, 2007. Праверана 27 студзеня 2009.
- ↑ Fighting vehicles: Armored Personnel Carriers and Infantry Fighting Vehicles(недаступная спасылка) 57, 58. Greenhill Books-Vector Publicity and Communication (1996). Архівавана з першакрыніцы 29 студзеня 2020. Праверана 23 лютага 2009.
- ↑ а б в Kader Fahd 240 Recovery and Repair Vehicle . Jane's Information Group (2 снежня 2008). Праверана 27 студзеня 2009.
- ↑ With BTM–208 turret (12.7MM + 7.62MM) MG(недаступная спасылка). Kader factory. Архівавана з першакрыніцы December 29, 2008. Праверана 4 лютага 2009.
- ↑ FAHD armoured vehicle . Military Today. Архівавана з першакрыніцы 22 студзеня 2009. Праверана 28 студзеня 2009.
- ↑ а б Burundi army operating Fahd-300 4x4 APC armored personnel carriers | Defense News February 2022 Global Security army industry | Defense Security global news industry army year 2022 | Archive News year . www.armyrecognition.com (16 лютага 2022). Праверана 22 лістапада 2023.
- ↑ а б Zayan. الجيش البروندي يقوم بتشغيل المدرعة فهد Fahd-300 المصرية (ар.) (16 лютага 2022). Праверана 22 лістапада 2023.
- ↑ Trade Registers(недаступная спасылка). SIPRI. Архівавана з першакрыніцы 14 красавіка 2010. Праверана 22 студзеня 2020.
- ↑ Burundi army operating Fahd-300 4x4 APC armored personnel carriers . www.armyrecognition.com (16 лютага 2022).
- ↑ زيادة الطلب على المدرّعة المصرية "فهد" وفرنسا أول المتعاقدين - جريدة البلاغ (ар.) (17 ліпеня 2023). Праверана 6 снежня 2023.
- ↑ а б Burkina Faso, France buys FAHD armored vehicles from Egypt (англ.) . Military Africa (12 чэрвеня 2023). Праверана 6 снежня 2023.
- ↑ а б Trade Registers . Armstrade.sipri.org. Архівавана з першакрыніцы 14 красавіка 2010. Праверана 20 лістапада 2014.
- ↑ admin. France buys Egyptian-made armored vehicles (англ.) . Defense Arabia (18 чэрвеня 2023). Праверана 6 снежня 2023.
- ↑ Iraqi equipment & vehicles(недаступная спасылка). Bjoern Clausen. Архівавана з першакрыніцы 20 лютага 2009. Праверана 27 студзеня 2009.
- ↑ Oman(недаступная спасылка) 7. INSS. Архівавана з першакрыніцы 20 лістапада 2008. Праверана 7 лютага 2009.
- ↑ Sudan(недаступная спасылка) 6. INSS. Архівавана з першакрыніцы 5 лютага 2009. Праверана 7 лютага 2009.
Спасылкі
[правіць | правіць зыходнік]- Тэхнічны пашпарт Fahd APC Архівавана 15 снежня 2017.
- Старонка аўтамабіля на афіцыйным сайце AOI Архівавана 20 мая 2014 года.
- Старонка аўтамабіля на GlobalSecurity.org