Kokonas
![](https://upload.wikimedia.org/wikipedia/commons/thumb/3/32/Cocos_nucifera_-_K%C3%B6hler%E2%80%93s_Medizinal-Pflanzen-187.jpg/200px-Cocos_nucifera_-_K%C3%B6hler%E2%80%93s_Medizinal-Pflanzen-187.jpg)
![](https://upload.wikimedia.org/wikipedia/commons/thumb/c/cd/Cocos_nucifera.jpg/180px-Cocos_nucifera.jpg)
Kokonas (Cocos nucifera) hem wan kaen pamtri we istap gru long tropikol eria blong wol, long so klosap blo solwora. Hemi stap olbaot long Vanuatu tu.
Hao man i yusum
[jenisim hem | edit source]Trink
[jenisim hem | edit source]Taem fresh kokonas hemi grin kala, hemi fit blong trink. Bislama i kolem “navara”, igat spesel nem bl'm long ol lanwis Vanuatu.
Man o pikinini i klaem antap long stamba blong kokonas, holem kokonas, tanem, tekem. Katem hol wetem naef, ale trink. Wora bl'm i swit.
Kakae
[jenisim hem | edit source]![](https://upload.wikimedia.org/wikipedia/commons/thumb/7/7a/Peradane_coconut_scraper.jpg/200px-Peradane_coconut_scraper.jpg)
Fresh kokonas igat palp bl'm we man isave kakae, we hem swit tu.
Ale spos kokonas i raep moa, palp ia bae i kam strong, hem had tumas blong kakae wetem tut. Be hemia man i save skrasem nao: long kastom oli skrasem wetem kokiyas; tedei wetem wan spesel kaen metal bled.
Skrasem gogo, yu tekem kokonas ia mo skwisim wetem tufala han, mekem melek blong kokonas. Oli melekem kakae olsemia long laplap.
![](https://upload.wikimedia.org/wikipedia/commons/thumb/4/41/Coconut_tree_leave.jpeg/200px-Coconut_tree_leave.jpeg)
Kopra
[jenisim hem | edit source]Mit blong kokonas oli mekem oel blong kopra long hem, yusum blong mekem sop o shampu o wanem. Hemia bigfela pat blong exportation blong Vanuatu.
Sel kokonas
[jenisim hem | edit source]Taem skrasem kokonas finis, man i save sakemaot sel bl'm, o i save yusum bakegen.
Wan yus bl'm hem olsem wan glas blong trink kava l'm.
Lif kokonas
[jenisim hem | edit source]Ol lif kokonas igat plante yus bl'm. Espeseli oli wivim mat l'm, spesol mat blong lif-kokonas, blong staon l'm long graon.
Yumi save wivim defren kaen basket tu;[1] mo ol pleple blo pikinini tu.[2]
Ol futnot
[jenisim hem | edit source]- ↑ Vidio: Wivim ol samting wetem lif kokonas (lanwis Vao).
- ↑ Vidio: Mekem pleple wetem lif kokonas.