Timur Tangah
![](https://upload.wikimedia.org/wikipedia/commons/thumb/e/ec/GreaterMiddleEast2.png/200px-GreaterMiddleEast2.png)
Timur Tengah adalah sabuah wilayah nang sacara pulitis dan budaya marupakan hagian matan benua Asia, atawa Afrika-Eurasia. Pusat matan wilayah ini adalah daratan di antara Laut Mediterania dan Taluk Persia serta wilayah nang mamanjang matan Anatolia, Jazirah Arab dan Samananjung Sinai. Kadangkala disambatakan gin area tasambat maliputi wilayah matan Afrika Utara di sabalah barat sampai lawan Pakistan di sabalah timur dan Kaukasus dan/atawa Asia Tangah di sabalah utara. Media dan babarapa organisasi internasional (kaya PBB) umumnya ma'anggap wilayah Timur Tangah adalah wilayah Asia Barat Daya (tamasuk Siprus dan Iran) ditambah lawan Mesir.
Wilayah tasambat mancakup babarapa kelompok suku dan budaya tamasuk suku Iran, suku Arab, suku Yunani, suku Yahudi, suku Berber, suku Assyria, suku Kurdi dan suku Turki. Bahasa utama yaitu: basa Persia, basa Arab, basa Ibrani, basa Assyria, basa Kurdi dan basa Turki.
Kabanyakan sastra barat mendefinisikan "Timur Tengah" sabagai nagara-nagara di Asia Barat Daya, matan Iran (Persia) ka Mesir. Mesir lawan samananjung Sinainya nang berada di Asia umumnya dianggap sabagai hagian matan Timur Tangah, walaupun sepalih ganal wilayah nagara itu secara geografi berada di Afrika Utara.
Sejak partangahan abad ke-20, Timur Tangah sudah manjadi pusat terjadinya paristiwa-paristiwa dunia, dan manjadi wilayah nang bangat sensitif, baik matan segi kestrategisan lokasi, pulitik, ikunumi, kabudayaan dan ka'agamaan. Timur Tengah baisi cadangan minyak mantah dalam jumlah ganal dan marupakan wadah kalahiran dan pusat spiritual agama Yahudi, Kristen dan Islam.
Erosentrisme
[babak | babak asal-mulanya]Babarapa sudah mangkaritik istilah 'Timur Tangah' karana Erosentrisme. Wilayah ngini baandak di Irupa barat. Hagan India, wilayah ngini baandak di barat; hagan Rusia baandaak di selatan. Pamakaian kata 'Tangah' jua sudah maulah kabingungan hagan sapalih urang. Sabalum Perang Dunia I, 'Timur Dekat' digunakan Inggris hagan manunjuk ka dairah Balkan wan Kekaisaran Utsmani, sadangakan 'Timur Tangah' hagan Persia, Afganistan, wan Asia Tengah, Turki, wan Kaukasus. Sadangkan 'Timur Jauh' manunjuk ka negara-negara 'Asia Timur', nangkaya Tiongkok, Jepang, Hong Kong, wan lain lain
Lawan hilangnya Kekaisaran Utsmani pas 1918, 'Timur Dekat' handak hilang dalam pamakaian umum, sadangkan 'Timur Tangah' dipakai hagan manunjuk ka negara-negara Islam. Tagal pamakaian 'Timur Dekat' tatap dipakai ulih babarapa disiplin akademi, tarmasuk arkeologi wan sejarah kuno.
Kritikan Erosentrisme jua barhubungan lawan fakta bahwa Timur, wan Barat didepinisikan dalam hubungannya lawan garis lintang relatif tarhadap Meridian Utama atawa Meridian Greenwich. Ngini dikaranaakan standar kartografi Britania nang diterima luas pas 1884 dalam Konferensi Meridian Internasional.
Lihati jua
[babak | babak asal-mulanya]- Timur Dekat
- Timur Jauh
- Timor Tengah Utara, kabupaten di Indonesia
- Timor Tengah Selatan, kabupaten di Indonesia
Pranala luar
[babak | babak asal-mulanya]![]() |
Wikimedia Commons baisi média nang baraitan lawan: |
- (Bahasa Inggris) Timur Tengah Archived 2014-02-09 at the Wayback Machine - Council on Foreign Relations
- (Bahasa Inggris) Departemen Timur Tengah - Perpustakaan Universitas Chicago