Podolsk
Neuz
![](https://upload.wikimedia.org/wikipedia/commons/thumb/d/d5/Holy_Trinity_Church_Podolsk_2.jpg/220px-Holy_Trinity_Church_Podolsk_2.jpg)
Podolsk (Подо́льск e rusianeg) zo ur gêr eus Rusia ha kreizenn velestradurel Oblast Moskov eo. Emañ war ribl ar stêr Pac'hra, zo un adstêr d'ar Moskva. Ar gêr vrasañ eo en Oblast Moskov ha poblet eo gant 183 095 a dud hervez niveradeg 2010.
Istor
[kemmañ | kemmañ ar vammenn]Diwar ur geriadenn vihan, Podol, a oa e domani Abati Danilov, e Moskov, eo kresket Podolsk da zont da vezañ ur gêr vrasoc'h. Roet e oa bet dezhi ar statud a gêr gant an impalaerez Katelin II e 1791. En amzer-se e oa bet savet rannadoù melestradurel Rusia, gant gouarnourien en o fenn, ha kêrioù nevez.
A-raok an Dispac'h Rusian e 1917, e oa Podolsk unan eus kêrioù greantel pouezusañ Rusia. Eno e oa ul labouradeg mekanikoù-gwriat Singer da skouer.