krampouezh

Brezhoneg

Etimologiezh

Meneget er C'hatolikon (crampoezenn).

Da geñveriañ gant ar gerioù cramwyth(en) ha crempog(en) en kembraeg, crampeth(en) en kerneveureg.

Anv-kadarn

Un torkad krampouezh.

krampouezh /ˈkrãmpwes/ strollder (unanderenn krampouezhenn)

1. Meuz, doare galetez tanav, graet gant bleud, vioù, holen, laezh pe zour
   • − Bremañ, aotrounez, emezi, e c'hallet mont da glask krampouezh el lec'h all, rak evit amañ ne vo ket a grampouezh feteiz ! — (Fañch an Uhel, Kontadennoù ar Bobl/4, Al Liamm, 1989, p. 32.)
   • Me ra ma c'hrampouezh war ar gleurc'h. — (Jules Gros, Le trésor du breton parlé Première Partie, 1966, p. 260.)
   • Eus keit-se ne glevi ket c'hwezh ar c'hrampouezh e Lokemo ! — (Jules Gros, Le trésor du breton parlé Première Partie, 1966, p. 261.)
   • Pa vez boullboazh ar c'hrampouezh e vezont sammus d'an estomak. — (Jules Gros, Le trésor du breton parlé Deuxième Partie, 1970, p. 455.)
   • Krampouez a gaver mad ivez. N'eo ked krampouezennouigou a-veh eur hinaouad anezo, med krampouez ken ledan hag ar billig vraz. — (Tad Medar, An Tri Aotrou, 1981, p. 27.)

• Penn-ar-C'hrann (Bro-Leon, Penn-ar-Bed): "krampouezh /ˈkrãmpwes/"

Deveradoù

• krampouezher
• krampouezherez
• krampouesha

Gerioù kevrennek

• krampouezh kaoc'h
• krampouezh-koukoug
• krampouezh-logod
• krampouezh-mitaou
• krampouezh-mouzig
• krampouezh vioù
• mamm-grampouezh
• ti-krampouezh

Krennlavar

• Gant c'hwezh ar c'hrampou(e)zh / E tosta meur a veg lipous.
• Gant c'hwezh ar c'hrampouezh mat/ E weler ar begoù lipous o tostaat.

Troioù-lavar

• Ober krampouezh war an dour: teurel mein plad a rez an dour d'o lakaat da lammat
• Ober an traoù war don ar c'hrampouezh gwinizh: war an ton bras .
• bezañ ganet d'ar Sadorn da noz goude ar c'hrampouezh
• bezañ liv grampouezh Kemper war unan bennak
• fardañ krampouezh da unan bennak
• gwerzhet evel krampouezh
• ober krampouezh war revr unan bennak
• treiñ ar yod da grampouezhenn
• treiñ krampouezh da yod
• treiñ yod da grampouezh
• war don ar c'hrampouezh gwinizh

Troidigezhioù

• alamaneg : Pfannkuchen ^(de)
• esperanteg : patkuko ^(eo)
• faeroeg : pannukaka ^(fo)
• galleg : crêpes^(fr)
• hungareg : palacsinta ^(hu)
• ido : krepo ^(io)
• italianeg : crespella ^(it)
• japaneg : クレープ ^(ja) (kurēpu)
• katalaneg : cresp ^(ca)
• kembraeg : cramwyth ^(cy) , crempog ^(cy)
• kerneveureg : crampeth ^(kw)
• koreaneg : 크레페 ^(ko) (keurépé)
• luksembourgeg : Paangech ^(lb)
• nederlandeg : pannekoek ^(nl)
• norvegeg : pannekake ^(no)
• okitaneg : cresp ^(oc)  ; crisp ^(oc)
• roumaneg : clătită ^(ro)
• rusianeg : блин ^(ru) (blin)
• saozneg : pancakes^(en) , crêpes^(en)
• sinaeg : 可か丽饼 ^(zh) (kělìbǐng)
• spagnoleg : crep ^(es)

Gwelet ivez

• Ar pennad « krampouezh » e-barzh Wikipedia