بەتڵیمۆس
بەتڵیمۆس Ptolemy | |
---|---|
![]() | |
لەدایکبوون | ١٠٠ز[١] میسر، ئیمپراتۆریەتی ڕۆمانی |
مردن | ١٧٠ز[١] ئەسکەندەرییە، میسر، ئیمپراتۆریەتی ڕۆمانی |
نیشتەجێ | میسر |
نەتەوە | یۆنانی-میسری |
بواری زانستی | گەردوونناسی، بیرکاری، جوگرافیا، ئەستێرەناسی |
ناسراو بە ھۆی | کتێبی ماجستی لەسەر گەردوونناسیکتێبی ماجستی لەسەر گەردوونناسی |
کلاودیۆس بەتڵیمۆس (بە ئینگلیزی: Claudius Ptolemy) نووسەرێکی یۆنانی-میسری بوو لە شاری ئەسکەندەرییەی میسر کە بیرکاریزان و گەردوونناس و جوگرافیاناس و ئەستێرەناس بووە. لە یەکێک لە پارێزگاکانی ئیمپراتۆریەتی ڕۆمانی کە ئەسکەندەرییە بوو ژیانی بەسەر بردووە و بە زمانی یۆنانی (کۆین) شتی نووسیوە و ڕەگەزنامەی هاوڵاتی بوونی لە ڕۆمانی بەدەست هێناوە. بە زۆری ناوبانگی دەرکردووە بەهۆی تێڕوانینە جیاوازەکەی بۆ گەردوون و زەوی کە پێی وابووە هەسارەی زەوی دەکەوێتە ناوەڕاستی گەردوونەوە، کە ئەمەش ناسراوە بە سیستەمی بەتڵیمۆسی (Ptolemaic system).[٢] زۆر شت دەربارەی ژیانی نەزانراوە تەنها ئەوە نەبێت کە لە نووسینەکانیەوە ماوەتەوە. یەکەم بەرهەمی لەسەر گەردوونناسی بریتی بوو لە کتێبی ماجستی (Almagest) کە لە نزیکەی ساڵی ١٥٠ز تەواو بووە و بریتییە لە چەند ڕاپۆرتێکی زانستی گەردوونی کە بەتڵیمۆس لەو چارەکە سەدەیەی پێشوودا بە دەستی هێناون.
سەرچاوەکان
[دەستکاری]پەراوێزەکان
[دەستکاری]![]() |
کۆمنزی ویکیمیدیا، میدیای پەیوەندیدار بە بەتڵیمۆس تێدایە. |