Rio de Janeiro
| |||
Paese | Brasile | ||
Statu | Rio de Janeiro | ||
Superficia | 1.182,296 km² | ||
Populazione | 6.775.561 (2021) | ||
Latitudine | 22° 54' 10 S | ||
Lungitudine | 43° 12' 28 O | ||
altitudine | 0 m | ||
Situ ufficiali | http://www.rio.rj.gov.br/ | ||
Mapa di a cità in Brasile. | |||
---|---|---|---|
![]() |
Rio de Janeiro hè una cità di u Brasile. Teni 6.775.561 abitanti (2021). Hè una di e più grandi metropoli di u cuntinente americanu. L'abitanti sò chjamati i Cariocas. A cità hè cunnisciuta per u so carnavale, e so marine, u so Pane di Zuccaru, o ancu a so statula di u Cristu Redentore. Rio de Janeiro hè unu di i principali centri culturali, ecunomichi è finanziarii di u Brasile.
Toponimu
[mudificà | edità a fonte]Sicondu certi sturiani, u nome iniziale era Ria de Janeiro "cala di ghjennaghju", ma a cunfusione hè ghjunta trà a parolla ria, chì designa una cala, è rio "fiume". Allora u nome divintò Rio de Janeiro "fiume di ghjennaghju". Per d'altri sturiani, era Amerigo Vespucci chì, durante u so terzu viaghju di esplorazione in Sudamerica, averia cunfosu a Cala di Guanabara cù a bocca d'un fiume. Averia dunque datu u nome di u mese di u so viaghju à stu locu.[1]
Storia
[mudificà | edità a fonte]Epica precolombiana
[mudificà | edità a fonte]A costa di l'attuale statu di Rio de Janeiro era anticamenti abitata da l’amerindiani di u gruppu linguisticu macro-jê. Poi versu l'annu 1000, a regione hè stata cunquistata da pupulazioni chì venenu da l'Amazonia. Quandu i Purtughesi ghjunghjenu in a regione, si scontranu cù i Tamoios, cunnisciutu ancu Tupinamba.[2]
I primi europei
[mudificà | edità a fonte]Hè à u mese di ghjennaghju di u 1502 chì l'espluratori europei sbarcavanu per a prima volta in u situ attuale di Rio. Sti espluratori eranu i portughesi Gaspar de Lemos è Gonçalo Coelho, accumpagnati da Amerigo Vespucci chì vede a cala cum'è a bocca d'un fiume chì chjamò "u fiumu di Ghjennaghju" : Rio de Janeiro.[3] Ma i Francesi s'interessavanu anc'elli à stu locu. Ci si stallavanu da u 1555 à u 1567, l'annu chì i purtughesi li espulsavanu. Rio de Janeiro hè statu ufficialmente fundatu.[4]
Capitale di a culunia
[mudificà | edità a fonte]A cità stessa hà cuminciatu à cresce trà quattru muntagne principali, chì dopu sò stati demoliti per permette u sviluppu di a cità è a so urbanisazione. À u 17emu seculu, Rio era una piccula cità. Era praticamente solu un locu per cultivà a canna di zuccaru è un portu per a scalata di i schiavi africani. Durante à u XVIIemu seculu sò state custruite parechje chjese cattoliche. À a fine di u 17emu seculu, sò state scuperte mine d'oru è di diamanti in u rughjone. In u 1808, dopu à l'invasione di u Portugallu da Napulione, Rio de Janeiro divintò a capitale di l'Imperu Portughese. A famiglia reale portughese lascia l'Europa è si imbarca in Lisbona per andà in Rio de Janeiro in u 1807.[5] U Portugallu era dunque guvernatu da Rio. Questu hà causatu prublemi di cumunicazione trà i dui cuntinenti.
Dopu à l’indipendenza
[mudificà | edità a fonte]Quandu Don Pedro I dichjarò l'indipendenza di u Brasile, u paese diventò un imperu.
![](https://upload.wikimedia.org/wikipedia/commons/thumb/9/93/Pal%C3%A1cio_Pedro_Ernesto_-_Funda%C3%A7%C3%A3o_da_Cidade.jpg/220px-Pal%C3%A1cio_Pedro_Ernesto_-_Funda%C3%A7%C3%A3o_da_Cidade.jpg)
U XXemu seculu
[mudificà | edità a fonte]A u principiu di u XXemu seculu, i sviluppi danu à a cità u so aspettu attuale. Larghi carrughji sò stati disposti, colline arrasate. A Baia di Copacabana hà avutu un grande sviluppu in l'anni 1930. I grandi edifizii sò nati è una passeggiata hè stata creata longu à u mare. A cità si stende constantemente versu u sudu. Rio hà avutu a so ora di gloria trà l'anni 1930 è 1960. U patrimoniu culturale di l’anziani maestri si mischjò cù tradizioni populari di influenze africane.[6] In u 1964, a capitale di u Brasile divintò Brasilia. Rio de Janeiro perse stu titulu ch'ella avia dapoi u 1565.[7]
U XXIemu seculu
[mudificà | edità a fonte]In u 2016, a cità accolse i Ghjochi Olimpichi d'estate. Oghje, Rio de Janeiro hè a siconda cità a più pupulata di u Brasile.[8] Ma 20 à 30% di a pupulazione di a cità campa in e favella.[9] Rio de Janeiro pò esse presentata cum'è a cità simbolica di a custruzzione di a nazione brasiliana.
Giugraffia
[mudificà | edità a fonte]![](https://upload.wikimedia.org/wikipedia/commons/thumb/d/d2/Rio_de_Janeiro%2C_Brazil_003_version_2.jpg/221px-Rio_de_Janeiro%2C_Brazil_003_version_2.jpg)
![](https://upload.wikimedia.org/wikipedia/commons/thumb/a/aa/Rio_de_Janeiro-Ipanema_Beach.jpg/220px-Rio_de_Janeiro-Ipanema_Beach.jpg)
Tarritoriu
[mudificà | edità a fonte]A cità si stende nantu à e coste è l'isule di a Cala di Guanabara. I rilievi di granitu, cum’è u Pane di Zuccaru, o ancu u Corcovado, cinghjanu a cità.
Rilievu
[mudificà | edità a fonte]![](https://upload.wikimedia.org/wikipedia/commons/thumb/7/75/Praia_Vermelha_beach.jpg/220px-Praia_Vermelha_beach.jpg)
A cima di Tijuca, u Pedra da Gávea (842 m), u Corcovado (704 m), u Dois irmãos (533 m) è u Pane di Zuccaru (395 m) sò i più alti munti di Rio de Janeiro.
E piaghje
[mudificà | edità a fonte]E più famose marine di Rio sò : Ipanema, Copacabana, Praia Vermelha, Barra da Tijuca o ancu Arpoador.
U clima
[mudificà | edità a fonte]![](https://upload.wikimedia.org/wikipedia/commons/thumb/b/b1/Rio_de_Janeiro_-_P%C3%A3o_de_A%C3%A7ucar_-_Cablecar.jpg/220px-Rio_de_Janeiro_-_P%C3%A3o_de_A%C3%A7ucar_-_Cablecar.jpg)
A cità di Rio si trova in a zona tropicale. U Tropicu di u Capricornu hè situatu solu à qualchì gradu di u sudu di a cità. Ci hè un clima di savana tropicale cù inguerni secchi. Tutte e temperature mezane minsuali sò sopra à 18 ° C. A temperatura mezana annuale hè di 24 °C è e precipitazione sò di 1.200 mm per annu. Siccomu a cità hè situata in l'emisferu miridiunali, a staghjoni d'estate dura da dicembre à marzu è hè più umida chè l'invernu chì dura da ghjugnu à sittembri. A timperatura a più calda registrata hè di 43,2 °C è a più freta 10,1 °C. A temperatura pò esse differente sicondu l'altitudine.
Demugrafia
[mudificà | edità a fonte]Rio de Janeiro conta 6.775.561 abitanti. L'abitanti sò chjamati i Cariocas. U rughjone metropolitanu conta un pocu più di 13 milioni d'abitanti.
Evoluzione demugrafica
[mudificà | edità a fonte]In u 2021, a cità conta 6.775.561 abitanti.
1991 | 2000 | 2005 | 2010 | 2017 | 2021 |
5 480 768 | 5 857 904 | 6 094 200 | 6 320 446 | 6 520 270 | 6 775 561 |
Riferenza : City Population
![](https://upload.wikimedia.org/wikipedia/commons/thumb/4/44/Rio_de_Janeiro%2C_Brazil_0011_02.jpg/220px-Rio_de_Janeiro%2C_Brazil_0011_02.jpg)
Ripartizione etnica
[mudificà | edità a fonte]A maiò parte di a pupulazione di a cità vene da u Portugallu o da u cuntinente africanu. Ci era ancu altre immigrazioni, menu significative. Ci sò dunque ghjente d'Italia, di Ghjermania, di u Libanu, di Spagna o ancu di u Ghjappone.
Tecnulugie
[mudificà | edità a fonte]Ci sò parechji urganismi tecnulogichi in a cità muderna di Rio de Janeiro. Unu di quessi hè:
Da vede dinò
[mudificà | edità a fonte]- Oscar Niemeyer
- Clube de Regatas do Flamengo
- Arara
- Belo Horizonte
- Brasilia
- Cachoeira do Sul
- Campinas
- Paulínia
- Catalão
- Curitiba
- Fortaleza
- Manaus
- Porto Alegre
- Porto Velho
- Rio Branco
- Santos
- São José do Rio Preto
- Osasco (São Paulo)
- São Paulo
- Taubaté
Riferenze
[mudificà | edità a fonte]- ↑ https://web.archive.org/web/20120603021739/http://www.la-mer-en-livres.fr/vespucci.html
- ↑ Eduardo Bueno, Brasil: uma História, São Paulo, 2003, (ISBN 978-8562936173) p.19
- ↑ https://www.universalis.fr/encyclopedie/rio-de-janeiro/
- ↑ https://www.herodote.net/1er_mars_1565-evenement-15650301.php
- ↑ https://www.latinamericaforless.com/brazil/travel-guides/rio-janeiro-guide-history.php
- ↑ https://theses.fr/1988EHES0036
- ↑ https://www.lemonde.fr/archives/article/1960/04/22/brasilia-construite-en-cinq-ans-remplace-rio-de-janeiro-comme-capitale-du-bresil_2085997_1819218.html
- ↑ https://fr.statista.com/statistiques/564456/bresil-les-plus-grandes-villes/
- ↑ https://journals.openedition.org/bagf/10406