Reggi
Reggi (inglizce reggae — HFE: ['regei]) - 1968 senesi Camayka ve Karib taqımadaları memleketleri muzıkasınıñ vezin-avalı qurulışlar, meşur yırlar ve Nyu Orlean blüzüniñ tesiri astında peyda olğan muzıka üslübi. Bazıda Camayka ve onıñ diasporasınıñ zemaneviy pop muzıkasına da umumiy olaraq "reggi" deyler.
![](https://upload.wikimedia.org/wikipedia/commons/thumb/5/5e/Bob-Marley.jpg/300px-Bob-Marley.jpg)
Reggi muzıkası, oyuncılıq hususiyeterinen farq ete. Regginiñ eñ belli hususiyetlerinden biri - tek vezinli ya da tek ava aletli qısımlarnıñ olmağanı (çalğıcılar, vezin ve avanı birden icra eteler). Diger hususiyetlerden şulardır: One drop dare partiyası (ölçüniñ üçte birinde bas davulı), çift qısımlarda çalğan gitarası ve deñişip turğan bas. Bas ve perkussiyanıñ yañğıraması, vezin qurulışları, intonatsiyalaşuvnıñ ayrı tarzı da oña has.