Тевхит

Тевхит (арапча توحيد‎) - бир Танърыгъа инанмакъ, бир Танърынынъ олгъаныны итираф этмек демектир.

Тевхит Ислямда Аллахнынъ бир ве тек Танъры олгъанына инанмакъ, буны тасдыкъ ве итираф этмектир. Келиме-и тевхид деп билинген Ля иляхе илляллах – Аллахтан башкъа танъры ёкъ сёзлеринен, я да Келиме-и шеадет деп билинген Эшхеду элля иляхе илляллах ве эшхеду энне Мухаммеден абдуху ве ресульюх – Шаатлыкъ этем ки, Аллахтан башкъа танъры ёкъ, кене шаатлыкъ этем ки, Мухаммед Аллахнынъ къулу ве пейгъамберидир ибаресинен ифаде этиле. Аллахтан башкъа иляхларны инкяр этип, илях (яни ибадет этильген, эмир ве ясакъларына уюлгъан, севильген, къоркъулгъан, итаат этильген мукъаддес варлыкъ) оларакъ анджакъ оны къабул этмек манасына келе.

Тевхит инанчы инсанларны ер юзюндеки путлардан арынып, анджакъ Аллахкъа итаат этмеге чагъыра.