Anime

Anime nopo nga iso kawo animasi lukison longon toi ko' kompiuto di pinaasil id Jepun; istilah anime nopo nga koubasanan gunoon id soliwan Jepun popokhusus kumaa animasi kosoliwanon mantad hilo miampai ula' inus sosondii, popokito grafik kiwotik, watak-watak kisunduan om kitema fantasi sundung do tongoulun Jepun poposuang toinsanan animasi kolobusan soliwan pogun miagal ko' di pinaasil do pogun-pogun id Kotonobon suang kohongguman anime.

Animasi Jipun Komersial pogulu kopio nopo nga tinimimpuun ontok toun 1917. Mantad dii, kopolobusan anime Jepun kakal mingkawas miampai stabil. Ula inus anime di poimbida nopo nga nokoimbulai ontok toun 1960-an miampai karya di Osamu Tezuka om nakasarabak kumaa taang sompomogunan ontok kolimpupuson abad ko-20, pinopoingumu do audiens domestik om nogi sompomogunon di agayo. Milo nogi polobuson anime id pawagam, maya kosolimbahan televisyen, tumilombus kumaa media walai om nogi maya intonet. Pinatantu iti do mogiisuusuai genre montok audiens di alaab om poimbida. Anime nopo nga iso bontuk inus di mogiisuusuai miampai kaida' om teknik produksi sosondii om pinosudong tumanud timpu om koburuon teknologi. Piniiso iti do inus grafik, koulaalahon, sinematografi om, bontuk teknik imaginatif om individualistik suai. Kopoosilan nopo do anime diti nga amu kopio poposotol do animasi gura nga lobi poposotol do realisme kooturan om kopomogunaon efek kamera miagal ko' panning, zooming om angled shots. Mogiikaakawo ula inus di gunaon, om ula kono' nogi nga mogiisuusuai. Koubasanan nopo ula kono do anime nga agayo om emotif o mato.

Kopolobusan anime nopo nga haro lobi ko 430 studio produksi, kosuang nogi studio di ointutunan kopio miagal ko' Studio Ghibli, Gainax, MAPPA, Wit Studio, Kyoto Animation, omToei Animation. Sundung do osili boogion tokoro no id pasar filem domestik id Jepun, nosili anime do padagangan tohontol do DVD om Blu-Ray Jepun. Nakalantoi iti soira haro o paalanan boros (dubbing) om nogi sari kata (subtitles) boros Inggeris. Koingkawason populariti sompomogunan diti papaasil do haro produksi okon ko Jepun momoguno ula inus anime. Produksi diti nopo nga animasi di narahung do anime toi ko' anime di tootopot osili uhu pinsiwalan do ii orohian. Minonguhup o anime soginumu 60% mantad ransangan televisyen anime sompogunan tintod 2016. Ontok toun 2015, Ponorikohon Amerika Syarakit ko-44, Barack Obama, minimboros do ogumu orohian do anime loolobi po tongosukod wagu.

Pomoistilahan

Anime nopo nga is bontus inus, poingkhusus do animasi di papahanggum toinsanan genre di kiharo id pawagam. Sundung do ingkaa, haro ii oborulong om papakalas do anime nopo nga iso genre. Id boros Jepun, ngaran anime nopo gunoon sabaagi hipernim di sumuku kumaa toinsanan bontuk animasi mantad sompomogunan. Id boros Inggeris, anime nopo nga lobi posotolon montok popokito "animasi filem toi ko' televisyen hihingioon ula Jepun" toi ko' sabaagi "ula animasi di winonsoi id Jepun".