Rozalejoko markesaren jauregia

Rozalejoko markesaren jauregia Nafarroako Iruñea hiriburuan dagoen jauretxe bat da. Iruñeko kultura ondasuna izendatua dago. 2017ko abenduaren 2an bertan Maravillas Gaztetxea ireki zen.

Rozalejoko markesaren jauregia
UNESCOren gizateriaren ondarea
Nafar bidea Iruñeko Alde Zaharra
Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Iruñea
Koordenatuak	42°49′10″N 1°38′35″W
Historia eta erabilera
Irekiera	1739
Erabilera	Nafarroako Gobernua
Arkitektura
Estiloa	Barrokoa
Gizateriaren ondarea
Erreferentzia	669-208
Eskualdea	Europa eta Ipar Amerika
Izen-ematea	bilkura)
208

Kokalekua

Alde Zaharrean dago, Nabarreria plaza eta Nabarreria kalean, eta Nabarreriako iturria aurrez-aurre duela.

Eraikina

1739an Done Jakue ordenako kidea zen Luis Gendika Mendieta bilbotar militarrak diseinatu eta eraiki zuen. Ezin izan zuen bere bizileku egin, bai ordea haren seme zen Francisco Ignacio Gendika Aldunatek.

Eraikinaren aurrealdea Barroko estilokoa eta dotorea da, eta harlanduz eraikia dago. Nahiz eta gaur egunera nahiko egoera kaxkarrean iritsi den, oraindik ere bere frontisean Gendika, Aldunate, Martinez de Ujue eta Mendieta abizenak dituen armarria gorde du (XIX. mendean ezarria) eta ezkerraldean San Joseren irudia duen horma-hobia.

Gaztetxea

2017an okupatu zuten jauregia gazte batzuek gaztetxea bertan sortzeko. Gerrako biktima Maravillas Lambertoren omenez, Maravillas Gaztetxea izena jarri zioten. 2018ko abuztuan, Nafarroako Gobernuaren aginduz poliziak hustu egin zuen gaztetxea.

Inguruko ondarea

• Maravillas Gaztetxea
• Nabarreria plaza
• Nabarreria
• Nabarreria kalea
• Nabarreriako iturria
• Karmen kalea

Ikus gainera

• Rozalejoko markesa kalea, Iruñeko Lehen Zabalgunea
• Iruñeko kultura ondasunen zerrenda

Euskarazko Wikipedian bada atari bat, gai hau duena: Iruñea

Kanpo estekak

• Datuak: Q25475470
• Multimedia: Palacio Marqués de Rozalejo / Q25475470