Polonia-Lituania-Ordena Teutonikoa Gerra (polonieraz: Wielka Wojna) alde batetik Polonia eta Lituania eta bestetik Ordena Teutonikoa arteko gerra izan zen. Grunwaldeko guduan menderatuak izan ondoren, teutoiek ez zuten inoiz berreskuratu lehen zituzten ospe eta indarra. Thorneko bakeak guda amaiarazi zuen. Poloniarrek irabazi zuten hamahiru urteko gerra berriaren ondoren, 1466an beste itun bat sinatu zen Thornen. Ordena Teutonikoko lurralde gehienak Erret-Prusia bihurtu ziren eta Poloniako Erresuman sartu ziren. Ordenak Ekialdeko Prusia baino ez zuen mantendu, Königsberg hiriburu zuela, Poloniako estatuko gotorleku bihurtu zena. 1525ean, maisu handia, Alberto I.a Prusiakoa, luteranismora bihurtu zen eta Prusiako duke, Poloniako tronuaren basailu, sekularizatu egin zen.
Datuak: Q937255
