Rhingo Konfederazioa

Rhingo Konfederazioa
Geografia
Hiriburua	Free City of Frankfurt (en) eta Frankfurt am Main; 50°6′37″N 8°40′56″E
Kontinentea	Europa
Administrazioa
Gobernu-sistema	Konfederazio
Legebiltzarra	Dieta (politika)
Demografia
Hizkuntza ofizialak	ikusi aleman ;
Erabilitako hizkuntzak	ikusi behe-aleman;
Historia
	Sorrera data: 1806
Bestelako informazioa

Rhingo Konfederazioa (alemanez: Rheinbund) 1806tik 1813ra bitartean iraun zuen 16 estatu alemanen elkartea izan zen. Napoleonen babespean eratu zen, Austerlitzeko guduaren ondoren, Napoleonek Inperio Santua eta Errusia garaitu eta ia Renania osoa menperatu zuenean Gerra Napoleonikoetan.

Konfederazioaren kideak Inperio Santuko printze alemanak (Fürsten) ziren. Hasierako 16 estatuetara beste estatu asko batu zitzaizkien geroago, guztira 15 milioiko populazioa osatzen zutela. Konfederazioaren lehendakariak Karl Von Dalberg (1806-1813 bitartean) eta Eugène de Beauharnais (1813ko azken aldian) izan ziren.

Benetako boterea Napoleonen eskuetan gelditu zen, eta abantaila estrategiko handia eman zion Frantziari.

Historia

1806ko uztailaren 12an sinatu zen Rhineko Konfederazioaren Ituna. Sinatzaileak lehendik Rhingo Liga osatzen zuten 16 estatu konfederatuak izan ziren. Frantzisko enperadoreak enperadore-tituluari uko egin behar izan zion, eta Inperio Santua desegintzat eman behar izan zuen. Austria, Prusia, Danimarka eta Suediaren mendeko Pomerania Rhineko Konfederaziotik kanpo gelditu ziren.

Konfederazioa, batez ere, elkarte militarra zen. Kide bakoitzak soldadu asko bidali behar zituen armadara. 1806an Frantziak Prusiari irabazi zion, eta kide asko bildu ziren Konfederazioan.

Frantziarentzat oso garrantzitsua zen Europa osoak Britainia Handiari merkataritza-enbargoa egitea, baina Konfederazioko kide askok ez zuten enbargoa betetzen. 1810etik aurrera, hori konpontzeko, Napoleonek Alemaniako ipar-mendebaldeko eskualde batzuk zuzenean bere inperiora eraman zituen.

1814an Napoleonen Errusiako kanpaina militarrak porrot egin zuenean, Konfederazioko kide askok bat egin zuten etsaiarekin. Napoleonek Leipzigeko gudua galdu ondoren (1813), estatu alemanetako bakoitzak bakea sinatu eta Prusia, Errusia, Austria eta Britainia Handiaren arteko aliantzaren alde egin zuen, eta Rhineko Konfederazioa berez desegin zen. Vienako Kongresuan (1814-1815) Konfederazio Germanikoa sortzea erabaki zen, haren ordezkoa.

Rhineko Konfederazioaren kideak

Erresumak

Bavaria
Saxonia
Westfalia
Württemberg

Dukerriak

Anhalt-Bernburg
Anhalt-Dessau
Anhalt-Köthen
Arenberg
Badengo Dukerri Handia
Bergeko Dukerri Handia
Hesseko Dukerri Handia
Frankfurteko Dukerri Handia
Mecklenburg-Schwerin
Mecklemburg-Strelitz
Nassauko Dukerria
Oldenburgeko Dukerri Handia
Saxonia-Coburg
Saxonia-Gotha
Sajonia-Hildburghausen
Saxonia-Meiningen
Saxonia-Weimar
Würzburgeko Dukerri Handia

Printzerriak

Hohenzollern-Hechingen
Hohenzollern-Sigmaringen
Isenburg-Birstein
Leyengo printzerria
Liechtenstein
Regensburg
Lippe-Detmold
Reuss-Ebersdorf
Reuss-Greiz
Reuss-Lobenstein
Reuss-Schleiz
Salm
Schaumburg-Lippe
Schwarzburg-Rudolstadt
Schwarzburg-Sondershausen
Waldeck

Kanpo estekak

Datuak: Q154741
Multimedia: Confederation of the Rhine / Q154741