Montxino zaldi
Montxino zaldia | |
---|---|
Zaldi arraza | |
![]() | |
Espeziea | Equus ferus caballus |
Jatorria | ![]() ![]() ![]() |
Sinonimoak | Montxino |
Montxino zaldia, (montañeraz: "Monchinu"), Kantabria, Burgosko ipar aldea zein Euskal Herriko bertako zaldi arraza bat da[1]. Berez hego-ekialdeko Kantabria da zaldi montxinoaren banaketa eremu nagusia, baina zenbait abere Bizkaiko Enkarterrietako hainbat herrietako mendietan aurkitu daitezke ere[2].
Zaldi montxinoak pottoken oso antzekoak dira, eta baita asturkoien antzekoak ere. Dena den hurbilagoak daude genetikoki galiziar poniengatik zein ordunteko behorrengatik[3]. Hainbat adituentzat zaldi montxinoak bi arraza hauen tarteko zaldi mota litzateke, pottoka eta asturkoien heda guneen arteko zubia egiten duena. Montxinoak beraz poniak dira baita ere. Ordunteko behorrak dira arrazaren beste senide hurbilak, baina lehen esan bezala asturkoi eta pottokak dira antzekoenak.
Tamaina txikiko aberea da, eta oso landatarra. Bere ingurumenari oso ondo moldatuta eta berak baliatzen dituen larreak nekez erabili ditzakete beste arraza aukeratuagoak.
Arraza desagertzeko zorian dago, eta hainbat ekimen abiatu dira babesteko.
Esate baterako Kantabriako Cabarceno animali parkean samalda bat kokatu dute arraza bultzatzeko.
Etimologia
[aldatu | aldatu iturburu kodea]Montañeraz "monchino" hitza menditarra eta tamaina txikikoa esan nahi du. Montxinoaren gune geografiko berean dagoen bertako behi arraza ere behi montxina deitzen da arrazoi berberengatik.
Arrazaren historia
[aldatu | aldatu iturburu kodea]![](https://upload.wikimedia.org/wikipedia/commons/thumb/7/76/Caballos_monchinos_en_el_Parque_de_la_naturaleza_de_Cab%C3%A1rceno_%283%29_-_2013-Aug-12_-_by_Stromare.jpg/280px-Caballos_monchinos_en_el_Parque_de_la_naturaleza_de_Cab%C3%A1rceno_%283%29_-_2013-Aug-12_-_by_Stromare.jpg)
Zaldi montxinoaren jatorria pottokaren, asturkoiaren zein lautzako zaldiaren antzekoa da. Oinarrian, Azken Izotz Aroa eta gero Kantauri itsasoko ertzan bertan iraun zuten poni basatiak izan ziren zaldi montxinoaren arbasoak.
Bibliografia ugari dago arraza Inglaterrako Exmoor poniarekin lotzen duena. Hau horrela da zeren eta Industria Iraultzaren urtetan ehunka poni inportatu zituzten Kantabriar Itsas Bazterretik Ingalaterrara bertako meategietan lan egiteko, pottokak, montxinoak eta asturkoiak.
Zaldi montxinoa beste aldetik zelta poniak delako sailkapen taldean sartzen da.
1996tik aurrera hasi ziren Kantabriako Guriezu haranean arraza berreskuratzeko eta hautatzeko lanak. 2009. urtean 715 zaldi montxino zeuden zentsu ofizialean[4].
Ezaugarriak
[aldatu | aldatu iturburu kodea]Banaketa eremua
[aldatu | aldatu iturburu kodea]![](https://upload.wikimedia.org/wikipedia/commons/thumb/d/da/Caballo_monchino_en_el_Parque_de_la_naturaleza_de_Cab%C3%A1rceno_-_2013-Aug-12_-_by_Stromare.jpg/220px-Caballo_monchino_en_el_Parque_de_la_naturaleza_de_Cab%C3%A1rceno_-_2013-Aug-12_-_by_Stromare.jpg)
Kantabriako Guriezon, Rasinesen eta Castro Urdialesen. Bizkaian Karrantzan eta Turtziozen. Dena den zaldi samaldak paraje menditsu hauetan libre mugitzen dira batetik bestera, eta beraz Euskal Herriko mendebaldeko beste zenbait udalerrietan ere agertu daitezke.
Zaldia Euskal kulturan
[aldatu | aldatu iturburu kodea]Bertako zaldiek eragin handia izan dute Euskal Herriko kulturan. Labar artetik hasita, irudigintzan edo mitologian.
- Zaldia euskal mitologian
- Zaldiko
- Zamalzain
- Zaldi proba
- Zaldiko (Lantzeko inauteria)
- Zaldiko-maldiko
- Ekain (leizea)
Erreferentziak
[aldatu | aldatu iturburu kodea]- ↑ https://es.scribd.com/document/54313088/Luis-Barona-libro-Guia-campo-razas-autoctonas-espanolas
- ↑ (Gaztelaniaz)https://www.mapa.gob.es/es/ganaderia/temas/zootecnia/PROGRAMA_DE_MEJORA_EQUINO_MONCHINO_1__tcm30-116598.pdf
- ↑ https://web.archive.org/web/20181231144256/https://webs.ucm.es/info/genetvet/genetic_structure_caballo_monchin_horse.pdf
- ↑ http://dad.fao.org/cgi-bin/EfabisWeb.cgi?sid=0eef47faaee2bd43057070aa7e8664d1,reportsreport8a
Kanpo estekak
[aldatu | aldatu iturburu kodea]- (Gaztelaniaz) Espainar Estatuaren bertako etxabereen gida
- (Gaztelaniaz) Arrazari buruzko artikuloa
- (Gaztelaniaz) Azienda montxinen markak Betaio mendimultzoan
- (Gaztelaniaz) Artikuloa
- (Gaztelaniaz) Arrazaren fitxa
Bideoak
[aldatu | aldatu iturburu kodea]- (Gaztelaniaz) Arrazari buruzko Espainiako Telebista Publikoaren bideoa [1]