Lamantinen
Appearance
![](https://upload.wikimedia.org/wikipedia/commons/thumb/8/81/Manatee.jpg/200px-Manatee.jpg)
De lamantinen (Trichechus) foarmje in skaai fan grutte wettersûchdieren út 'e famylje fan 'e lamantyneftigen (Trichechidae ) yn it skift fan 'e seekij.
It ferskil mei oare seekij is dat Lamantinen mar seis halswringen hawwe, en ôfrûne sturten. Lamantinen binne herbivoaren, dy't libje oan kusten mei ûndjip wetter dêr't se meast dwaande binne mei gerskjen.
Der binne trije soarten fan lamantinen:
- De Karibyske lamantyn of manaty (Trichechus manatus), dy't libbet fan it súdeasten fan Noard-Amearika oant it noardeasten fan Súd-Amearika.
- De Afrikaanske lamantyn (Trichechus senegalensis), dy't libbet oan 'e westkust fan Afrika.
- De Amazônelamantyn (Trichechus inunguis), dy't gjin neilen hat, en libbet oan 'e eastkust fan Súd-Amearika.
De Floaridamanaty wurdt meast sjoen as in ûndersoarte fan 'e Karibyske lamantyn.