Sade Adu
Sade Adu | ||
![]() | ||
![]() | ||
persoanlike bysûnderheden | ||
echte namme | Helen Folesade Adu | |
nasjonaliteit | ![]() | |
berne | 16 jannewaris 1959 | |
berteplak | Ibadan, Nigearia | |
wurkpaad | ||
jierren aktyf | 1980 - no | |
offisjele webside | ||
www.sade.com |
![](https://upload.wikimedia.org/wikipedia/commons/thumb/3/3f/Sade_Adu_Band.jpg/250px-Sade_Adu_Band.jpg)
Helen Folesade Adu (Ibadan, Nigearia, 16 jannewaris 1959), koartwei Sade, is sjongster fan de Britske band mei deselde namme. De kearn fan Sade bestiet fierder út bassist Paul Spencer Denman, toetsenist Andrew Hale en gitarist-saksofonist Stuart Matthewman.
Biografy
[bewurkje seksje | boarne bewurkje]Sade Adu waard berne yn Nigearia as dochter fan de Nigeriaanske Bisi Adu en de Britske Anne Hayes. Nei de skieding fan har âlden ferhuze se yn de âldens fan fjouwer jier mei har mem en âldere broer nei Colstert yn Ingelân. Se studearre moadeûntwerp yn Londen en wurke as model foardat se yn 1980 oerstapte nei de muzykbusiness. Se song earst by de groep Arriva, dêrnei twa jier by Pride. Dêr moete se saksofonist Stuart Matthewman, mei wa't se ferskate stikken komponearre.
Fan 1989 oant 1994 wie se troud mei de Spaanske filmprodusint Carlos Scola; dêrnei hie se in ferhâlding mei de Jamaikaanske produsint Bob Morgan. Yn july 1996 waard se mem. [1]
Karriêre
[bewurkje seksje | boarne bewurkje]Yn 1983 namen sy en har band in demo op mei fjouwer nûmers, wêrûnder Your Love Is King en Smooth Operator. It waard ynearsten troch ferskate platemaatskippijen wegere om 't de muzyk te "jazzy" klonk en net oansleat by de doe hearskjende muzykstyl, dy't karakterisearre waard troch it brûken fan drumkompjûters. Earst neidat Sade op de cover fan it tydskrift The Face stie en mei har band in suksesfol optreden joech yn de Londenske nachtklup Heaven, krige se in kontrakt by Epic Records. Binnen seis wiken waarden 15 tracks opnommen yn de studio, dêr't der úteinlik njoggen fan op it debútalbum Diamond Life telâne kamen. Sade naam alle besluten oer de gearstalling fan it album sels en wiisde ferskate produsers ôf nettsjinsteande wjerstân fan de platemaatskippij. Der waarden wrâldwiid goed tsien miljoen eksimplaren fan it album ferkocht en dêrfan hast fjouwer miljoen yn de Feriene Steaten.
Fan de midden fan de jierren 80 ôf hie Sade in soad sukses mei har troch soul en jazz ynspirearre popmuzyk. Se trede op yn it Montreux Jazz Festival yn 1984 en yn Live Aid yn 1985. Yn 1985 wûn se har earste Grammy mei har band. Yn 1986 hie se in rol yn de film Absolute Beginners en song se it nûmer Killer Blow. Yn 1994 krige se noch in Grammy foar it nûmer No Ordinary Love, dat ek op de soundtrack fan de film An Immoral Offer stiet. Nei in skoft fan in pear jier, wêryn't de rest fan de band sûnder Sade gearwurke ûnder de namme Sweetback, brochten se yn 2000 tegearre it studioalbum Lovers Rock út en ûndernamen se yn 2001 in toernee troch de Feriene Steaten. Yn 2002 waard it live-album Lovers Live útbrocht as fideo (dvd) en cd fan de opnamen fan dy toer. Yn 2005 naam Sade it nûmer Mum op foar it Voices for Darfur-projekt.
Nei in lang skoft kaam se begjin 2010 werom mei de single Soldier of Love, dy 't benammen suksesfol wie yn Noard-Amearika. It album mei deselde namme waard útbrocht yn febrewaris 2010 en berikte it earste plak yn de hitlisten yn ûnder oare Italië, Frankryk, Spanje, Hongarije, Poalen, Portugal, Sweden, België, Switserlân, Kanada en de Feriene Steaten. Sade begûn ein april 2011 oan in nije wrâldtoernee. [2] Yn 2011 ferskynde ek in dûbeld-cd mei harren grutste hits ûnder de titel The Ultimate Collection, dêr't fjouwer nije nûmers op stiene. Yn 2012 waard in opname fan in konsert út septimber 2011 útbrocht, dy 't nominearre waard foar in Grammy Award yn de kategory Best Long Form Music Video. [3] Yn 2018 brocht Sade twa nije nûmers út dy't beide op soundtrackalbums telâne kamen: Flower of the Universe foar de Disney-film A Wrinkle yn Time, en The Big Unknown foar de film Widows, de troch de Brit Steve McQueen regissearre filmbewurking fan in telefyzjesearje út de jierren tachtich.
Yn oktober 2020 waard in finyl-boxset mei de titel "This Far" útbrocht mei de seis albums oant no ta.
Diskografy
[bewurkje seksje | boarne bewurkje]Sjoch nl:Sade Adu # Discografie
Boarnen, noaten en/as referinsjes: |
|