Audición
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
A audición é a habilidade de percibir son pola detección de vibracións[1] e cambios na presión do medio a través dun medio como o oído.
Son
[editar | editar a fonte]O son é a característica do medio molecular en que se atopa o individuo. Unha das principais características que debe ter o son para ser audible polo ser humano é que a súa frecuencia se manteña entre os 20 e 20 000 Hz. Outra das características que posúe o son é a amplitude que se relaciona psicoloxicamente coa sonoridade.[2] Xa que o número de sons diferentes que pode ouvir o ser humano é moi grande, utilízase unha escala logarítmica de presións chamada de decibeis que abrevia a inmensidade de valores posibles.
Percepción
[editar | editar a fonte]A audición é a percepción das ondas sonoras que se propagan polo espazo, en primeiro lugar, polas nosas orellas, que as transmiten polos condutos auditivos externos ata que chocan co tímpano, facéndoo vibrar. Estas vibracións xeran movementos oscilantes na cadea de osiños do oído medio (martelo, bigornia e estribo), os que son conducidos até o perilinfa do caracol. Aquí as ondas moven os cilios das células nerviosas do órgano de Corti que, á súa vez, estimulan as terminacións nerviosas do nervio auditivo. Ou sexa, no órgano de Corti as vibracións transfórmanse en impulsos nerviosos, os que son conducidos, finalmente, á cortiza cerebral, onde se interpretan como sensacións auditivas.
Divisións do sistema auditivo
[editar | editar a fonte]Podemos dividir o sistema auditivo en dúas partes:
- Sistema auditivo periférico (o oído), responsable dos procesos fisiolóxicos que captan o son e o envían ó cerebelo.
- Sistema auditivo central (nervios auditivos e cerebro), responsable dos movementos psicolóxicos que conforman o que se coñece como percepción sonora.
Notas
[editar | editar a fonte]- ↑ Schacter,Daniel L. et al.,["Psychology"],"Worth Publishers",2011
- ↑ "4". La Percepción Sensorial. Limusa Wiley. ISBN 968-18-5307-5.
Véxase tamén
[editar | editar a fonte] |
Wikimedia Commons ten máis contidos multimedia na categoría: Audición  |
Bibliografía
[editar | editar a fonte]- Lopez-Poveda, Enrique A.; Palmer, A. R. (Alan R.); Meddis, Ray. (2010). The neurophysiological bases of auditory perception. Nova York: Springer. ISBN 978-1-4419-5685-9. OCLC 471801201.
- Peng, AW.; Salles, FT.; Pan, B.; Ricci, AJ. (2011). "Integrating the biophysical and molecular mechanisms of auditory hair cell mechanotransduction.". Nat Commun 2: 523. PMC 3418221. PMID 22045002. doi:10.1038/ncomms1533.
